初為父母對BB真係又愛又驚！ 每一方面都想做到足， 俾到BB最好的照顧！但又咩都唔識無從入手！ 我第一胎未出生時，真係成日上網爬文、問朋友， 要買D咩，買邊樣好，有冇咩BB車推介， 淨係問有咩嬰兒車推薦 已經問題天天都多～ 搞到老公都叫我唔好咁緊張！XD 今次同大家分享BB車先～ 因為，我終於換左架新既B車喇！！！！！ 點解有呢篇推介文呢，事源係之前用開果架係阿嫂轉比我的， 我自己都用左成3年， 你問我好唔好用，都OK既！ 但始終唔係最岩心水⋯⋯不過免費wor，用得就不要浪費嘛！ 到近來部車可能都年事已高XD 係時候退役了！ 但細細佬得10個月咋，距離識行識跑仲有一段唔小的時間喔⋯⋯ 就同家人說不如換部新啦～～～ 經過一輪左選右選後！ 我得出買BB車的六大要點！！！ 1) 一定要輕身同細部！ 因為香港地推嬰兒車真係唔算好方便～～ 寫呢篇推薦文之前，經過我3年的經驗，好多時上落樓梯都要收車，唔係所有地方都有電梯，一手抱BB，一手收車真係要練返來，選一部輕身的絕對絕對絕對是明智之選！！ 同埋香港路窄用大車係超級麻煩！之前朋友比左部大車我，只係用左一次就無再用，堅重到好似坦克車咁，我又要抱B又要拎媽媽袋，好難用呢⋯⋯>_< 仲有，細部D，放屋企都無咁阻地方嘛～需知道生BB後，屋企會放多左好多大型傢私同電器～蝸居空間有限喔！ （我們小康之家都是比較貼地的，出入要坐交通工具，附近也有樓梯上落， 大家買BB車時最緊要先了解平時生活習慣同周遭的配套，哈哈） 2) 安全性！5點式安全扣是一定要有！ 有測試証明五點式的安全扣是最好的～早前有新聞報導，有架BB車比私家車撞到飛起，BB都安全無事，就係靠五點式安全扣，要是三點式就會比較容易飛脫！大家要留意喔～～～係嬰兒車值唔值得推薦既重點！ 3) 雙向式把手，可調向前或面對面 雙向式把手，就係可以將把手向前又得，向後又得～咁我地自己就可以按需要，將BB望前，又或者望住我地～呢樣係近幾年才流行的喔～可以增加同BB的互動性，唔錯架～～ 4) 車輪可360度轉～ 呢樣我諗大部分新款BB車都做到！會易推好多～ 5) 車篷可全蓋 呢點真係好少朋友會講到，但我覺得係必須的！ 之前果部BB車唔抵推介，因為車篷只可拉著蓋上1/3左右，如果BB要睡覺，係會令佢睡得唔好架！佢會八卦周圍望啦，好易比外邊事物吸引，又或者太光太曬，成日都要再搵多件衫或披肩去包住架車=_= 如果全蓋型就方便好多！！！！ 6) BB坐得舒服 話晒都係阿二少用既，當然要比佢試下先啦～ 試落無大問題就買啦！！！！！ 我家細細佬的新車～～Combi Mechacal Handy 2！！！！ 我第一眼就睇中佢夠輕夠細，安全度又夠高！ 呢部BB車得 4.4kg咋～ 就算只有我一個人帶住BB出街， 單手開車收車再手拎都無問題呀～！！！ 同埋佢可以滿足晒我上面既要求～ 1) 一定要輕身同細部！ 4.4公斤咋！我個出街媽媽袋分分鐘重過佢！ 2) 安全性！5點式安全扣是一定要有！ 勁安全的五點扣～～ 由膊頭到腰到大脾仔都安全扣好！ 3) 雙向式把手，可調向前或面對面 可以同BB有更多既交流～ 4) 車輪可360度轉～ 非常好推，左轉右轉無難度！ 5) 車篷可全蓋 你睇我唔到～你睇我唔到～ 雖然全蓋型，但車篷有得打開少少，比我得閒偷望阿B睡覺XD 6) BB坐得舒服 起碼我唔見佢有想起身逃走的意欲⋯⋯ 咁我就當佢都幾喜歡呢部車啦！ 而家用落仲越來越覺得我選得好～ 佢既優點比我要求既多好多XD 好似可以170度平躺， 高座椅有成 55cm高架~下便仲有超大儲物空間， 好岩初生BB用既頭墊，非常透氣！ 頭墊同座位入面仲有EggShock 吸震物料，BB 就唔會覺得震啦~ 而且車內坐墊都可機洗！媽媽有丁點concern既位都照顧到！ 點擊圖片放大 個人用左個幾月都非常滿意～ 好野要同大家分享嘛！！ 好，今次講完BB車，下次講下另一樣野啦～～～ BYE-BYE！ * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
