而家好少出街食飯喇! 一來要湊小朋友, 二來家中請左姐姐, 無理由唔煮飯架嘛XDXD 但今次朋友生日, 所以就一行四人去了慶祝食飯!! 去了西環的海鮮小菜館 - 百味鮮~ 自從通車後, 西環食飯真係幾好~ 人又少D, 餐廳又不太貴, 食完又可以行下海旁~~ 同去銅鑼灣車程差不多之嘛~~ 舒服好多呢! 好了, 說回這間小菜館, 百味鮮! 真的是做街坊生意, 款式多, 味道好, 仲要價錢合理!! 餐廳又清潔~~ 先上小菜, 涼拌青瓜 $38 非常爽口, 作為開胃菜醒醒胃! 杞子豬潤浸菜芯 $68 配老火上湯, 出來效果好正! 自家海苔炸豆腐 $68 勁香口~ 超級熱, 要小心食! 豆腐好嫩好滑! 配上海苔醬汁好惹味~~ 蟲草花浸時蔬 $68 是寒冬的養生之選~ 食完咁熱氣既炒蟹, 好岩點返唔同的蔬菜來平衡返~XD 接著是百味鮮兩個鎮店小菜!!!!! 避風塘炒蟹 $380 以這個價錢來說, 隻蟹真係好大隻~~ 有時去其他地方食蟹, 都有試過大隻但無肉......=.= 但百味鮮用既蟹, 又大又多肉! 個鉗開出來, 好似雞脾咁啖啖肉XDXD 仲有好多炒乾蒜, 個人最愛~~~~ 辣度也可以選~~ 真係必點菜式之一! 冰鎮咕嚕肉 $238 出煙的乾冰效果, 一上來已經很吸引! 咕嚕肉外脆內嫩, 外邊是冰凍的脆糖外表, 內邊是惹味的肉排! 考功夫的菜式呀~~~ 醬油臘味炒飯 $68 比想像中要大喔~~~ (不過碗太大, 拍出來好像很小, 但真的分到四個人每人一碗的份量喔) 同埋非常足料! 呢個時候最岩食臘味呢~ 4個人都吃得飽飽的! 非常滿足! 估唔到街坊小店都有咁好質素! 佢地服務仲好好添~~~~ * * * * * * 百味鮮辣蟹專門店 網址: https://s.openrice.com/QrbS04wC700 地址: 西環石塘咀德輔道西434號均益大廈1期地下 電話: 28171477 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk