作為一個港島懶人, 其實出去食飯都係去指定餐廳, 又或自己既飯堂,新意欠奉, 自己都覺得有點太悶了! 就上網搵下有咩銅鑼灣新餐廳,試下喇! 又比我搵到間幾高水準既餐廳! 環境不錯,價錢唔貴! 地理位置又好,仲有兩三層,唔怕無位坐! Neighbor 係怡和街鼎泰豐對面,以前係賣玩具模型架! 門口望入去以為細細間,nonono,佢仲有樓上雅座的!我地是晚就係二樓用餐~ 走美式工業風,再加少少綠色原素,燈光淡黃,好舒服好relax!岩朋友傾計用餐! 跟餐的沙律及餐湯都 非。常。大。份 !!! 驚喜驚喜!沙律菜新鮮,加入芝士碎橄欖油等,已經好好吃。蕃茄湯有大量蔬菜,健康好味! 小食我們點了水牛城雞亦及鵝肝多士. 鵝肝煎過後仍保持獨有的香肥口感,配脆身多士,兩者融合,好想再來多份! 水牛城雞亦香辣惹味又脆口,正! 飲品都唔貴,特調都係$38杯,仲要咁大杯,抵呀! 綠色既係:斯里蘭卡吸精吸血殺人大青蛙! 我就係貪佢個名夠搞笑才點的XDXDXD 唔好比佢個青bb樣嚇親,其實味道不錯,有薄荷同菠蘿汁,清爽又夠味~ 另一杯是小丑,有藍莓、青檸同7喜,不錯不錯! 來到主食了! 是德國燒豬仔骨! 肉質超軟腍,肉排跟肋骨可以輕易分開! 味道有點甜有點bbq味~ 配埋熱呼呼的粗薯條,呢碟主菜,正! 今餐好似太多紅肉,另一主菜就點了銀鱈魚配檸檬牛油忌廉汁,可以中和一下! 銀鱈魚有烤過,味道偏淡適中,沒有豬仔骨的濃,但也很好味,檸檬汁非常清新,帶出另一口感! 最後仲有乳酪雪糕,好飽喇!! 今餐大滿足! 都話吃貨女生易養架啦,食餐好既,咩心情都好返晒!哈哈! * * * * * * Neighbor 網址: https://s.openrice.com/QrbS0ycw3W0 地址: 銅鑼灣 邊寧頓街5號地鋪 電話: 2970 3368 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk