而家去食飯, 多數都係搵樓上餐廳了! 因為旺區好多地舖都又貴又唔好食, 性價比低~ 同埋又多人, 食個飯都要急急腳, 唔可以同朋友慢慢享受...... 今次就約埋閨蜜去樓上CAFE又食又傾! 食得開心, 又可以慢慢傾計, 結果傾到成11點都唔捨得走XD 趕唔切去奶奶屋企接返個囡, 哈哈, 好彩有老公幫手~~~ 今次選了位於銅鑼灣TIMES附近的小桃咖啡室!!!!!! 我最喜歡佢地有個靚VIEW! 可以睇晒成個TIMES SQUARE景色~ 雖然樓層唔高, 但也很寧靜舒服呢~ ((題外話, 原來小桃咖啡室的上手餐廳是女僕cafe呢~)) 蘑菇湯, 味道濃郁, 充滿了蘑菇香, 好滑身添~ 飲品點了: 焦糖可可 $48 & 異國戀人 $52 因為我近期不可以飲冰品, 所以無緣品嚐小桃咖啡室的多款特色飲品!!! 每樣都好吸引呀!!! 異國戀人由香蕉+菠蘿打成的沙冰, 我好想好想飲!!XD 小食盤: 蜜糖腸 + 脆炸蝦餅 $98 滋味小吃, 好岩做前菜, 蝦餅夠脆熱! 蜜汁雞中亦 $68 女仔真係好喜歡食雞亦XDXD 煎過的雞亦配埋沙律菜, 感覺無咁邪惡~ 得獎菜式(!!) 魁北克舖天薯條 配 醬燒豬仔全骨 $198/HALF 牛仔骨非常之軟腍, 醬汁好入味, 唔會好濃味, 分了少少香甜感~~ 同埋, 半份都好大份!! 兩個女仔食唔晒XD 魁北克舖天薯條, 用左MOZZARELLA芝士同埋特色醬汁調味~ 加上剛剛炸起的薯條, 非常MATCH!!!! (但都好熱氣好邪惡XD) 就算食到幾飽, 作為一個女生, 總要點返個甜品, 咁先叫完美!! 我地點了一個CHEESE CAKE同一個心太軟~~ 心太軟, $58 即叫即焗, 時間要等耐一點, 但都值得, 因為一切落去, 流心果下, 真係好治癒~~~~ 今晚食得好開心, 除左食物不錯外, 環境也非常合適朋友們去傾計, 我仲見到有好多BOARDGAME可以玩~ 而且唔趕人架! 我地坐左成3-4個鐘XDXD 都仲好好服務!!! 佢地仲可以包場添~~ 我見餐牌有好多PARTY FOOD! 會按不同人數有不同食品及價錢, 好貼心~~~ * * * * * * 小桃咖啡室 網址: https://s.openrice.com/QrbS0BhS100 地址: 銅鑼灣 波斯富街83號波斯富大廈2樓D室 電話: 2808 0789 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk