5月之星Yan生日飯,今次揀左去利景食buffet,成日都經過利景,都聽過呢到buffet幾抵食,但就未幫襯過,上網見食物不俗,今次大家一於試下,見openrice仲要有優惠卷7折,星期日晚上成人每位$428,7折後每位約$330到﹐好抵下呀。 點擊圖片放大 餐廳面積頗大,裝潢有點懷舊之感,環境舒適。 即出去睇下有咩好野食先。 冷盤海鮮。 熱盤。 點擊圖片放大 甜品。 刺身。 梳乎厘。 自製窩夫。 MOVENPICK。 龍蝦、翡翠螺、長腳蟹、藍青口及蜆,先來個冷盤,龍蝦多肉﹐長腳蟹肉質鮮甜。 三文魚及帶子刺身夠新鮮。 蒜蓉粉絲蒸扇貝,有好多粉絲,蒸扇貝彈牙鮮甜,幾惹味。 蟲草花燉雞湯,好耐冇飲過湯水,蟲草花補身,見到即飲,香濃味道,即飲多碗。 鴨肝多士,鴨肝甘香油潤,配搭多士更美味呀。 炸蠔﹐普通味道。 羊架,肉質嫩滑,冇乜羶味。 古法豬腳薑,難得有豬腳薑食,豬腳腍身,酸酸甜甜味道好,本身想食埋個蛋,但實在太飽了冇食呀。 又係甜品時間,甜品上冇乜大驚喜,款式唔算好多﹐正常水準。 梳乎厘,受歡迎的美食,限時供應要排隊拎﹐梳乎厘口感輕柔味道香甜,幾好味呢。 食飯後果。 MOVENPICK,有呢個牌子雪糕食都滿足到﹐士多啤梨味讚。 食物水準正常,環境坐得幾舒服,態度親切,重點好抵食,下次再戰。 灣仔灣仔道209-219號銅鑼灣利景酒店1樓 自助餐供應時間18:30-21:30 價錢: 星期一至四:成人$398 小童/長者 $308 星期五至日、公眾假期及前夕: 成人 $428 小童/長者 $338