港人造訪台北既次數1...2...3...4...5...次? 數不唔完 因為總有地方未去! 以往以為台中先有草泥馬 但原來台北都有,仲要可以更接近,更親密 台北三芝去過未? 個到有間 OIA伊亞咖啡藝術館 有好多隻草泥馬可以睇 仲有2隻係店內走來走去,可以慢慢影 下午去淡水行下,玩下食下影下6.30 pm先出發去 OIA 搭公車860去三芝北勢溪口站落車,然後過對面行5分鐘左右 去到都7 pm (8 pm close),無咩人但7點後只有飲品供應 nvm! 食物唔係重點,草泥馬先係重點 wow! 好快已經見到草泥馬! 有一隻大既係到走來走去 唔知點解佢咁鍾意咬呢個咕o臣 現場有無限量既蘿蔔供應俾你餵草泥馬,只要你敢就可以 你一係櫃台拎,佢就會追住你 但要注意:白蘿蔔係餵室內,紅蘿蔔係餵室外 其實佢地都好乖,唔太會打擾人食野 但都要小心自己物品,因為同行友人既袋就俾草泥馬咬咬咬,有口水味 hahaa 睇完室內,行去室外後院望下其他草泥馬 室外無冷氣下,咁多草泥馬,其實係有d重味 一開門... 見到佢地好可憐咁等你餵 室外既仲有黑色同啡色既草泥馬 但因為熱同臭臭地,真係無室內既咁吸引 (好衰 ;) ) P.S. 呢到既飲品都好甜,唔好多太大期望