第一次自由行去bangkok,5日4夜所以諗住hea下hea下,差不多每日都自然醒再出發。 唯獨呢一日,兩個人晨早6點幾起身。無他既,因為join左local tour去美功鐵路市場 + 水上市場。 7點司機已經將佢架旅遊車 (保母車) 停係酒店門外等候大家,見到司機的第一件事 - 俾錢(每人600 Baht),然後連同同行另外的8個遊客一齊開始出發。 車程中,欣賞下周圍 第一站 - 美功鐵路市場 經過大約1.x小時既車程,終於到達目的地。司機溫馨提醒9點左右會有火車到達市場,然後就解散大家。 美功鐵路市場 美功鐵路市場 我地就開始行街市,一路行一路心諗:香港既街市都懶得行,竟然6點幾起身黎bangkok行街市? 行街市 好吧!好吧!既然來到就投入一下,感受下當地平民生活。其實市場真係好多野賣,生果、菜、肉、魚、海產、乾貨、雜貨。 乾貨 生果 海產 生果 好多既魚 魚 生果 重點是:平!(睇到呢到,你可能心諗bangkok咩生果都平嫁啦!但經過5日既行程,結論係:呢到最平!) 結果:買左個菠蘿 (25baht) 除左地攤,市場仲有一d可以坐係到食野既地方,但唔好諗住可以好平好平喇! 唔記得幾錢 等阿等……終於聽到Boot Boot 聲!前望後望終於見到架火車駛近埋黎,所有檔口開始收埋d帳篷,有d檔主會加塊布係d食物上面,有d就話之你。 火車終於駛埋黎,wowhooo! 火車boot boot 火車boot boot 火車boot boot 火車boot boot - 完 - 第二站 - 水上市場 再經過大約半小時既車程,終於到水上市場。 10個人一艘船,每逢遇到岩心水既野,船家就會停,然後賣家就會用比傑克船長個鈎長n倍既鈎鈎你艘船埋黎慢慢揀 水上市場 水上市場 水上市場 水上市場 我地一心諗住係船上一路睇一路食芒果糯米飯,誰不知船家不斷停係d賣精品既賣家附近。我地嚴重懷疑船家同某d賣家特別相相熟,所以自動停留係某d地方。最後終於買到芒果糯米飯食,但味道一般,只係食個環境。 船家 其實,我地都有買精品,買左一 pack 4個既象仔公仔既散紙包(300baht),同埋一幅掛畫 (1500baht)。 係呢個moment,我地仲自以為講價成功,由500講到300baht,但後來到JJ Market才發現自己買貴左,貴左幾多就無謂再提。而掛畫,買左之後都覺得貴,但因為後來無再見到,所以無咁傷心。 所以溫馨提示:係呢d市場,忍下手啦。 掛畫 忍下手啦 伏 - 你搵到就搵,但我唔會再提 行程完結後,上到旅遊車司機話只會送到某一地方(事前已有朋友提過只會到市區,但實際地點就因司機而定),假如要到siam or 自己酒店,就每人加250 baht。最後,我地決定到司機指定地點後,聯同同行既遊客一齊夾份自行搭的士回酒店,回到酒店都只係每人40baht。 其實呢個行程係充實、特別既,但如果唔係咁早會更好。去完真係人都散,然後 stay 係酒店游水 or 行下shopping mall 就夠! ============================================================= 備註: Local Tour有好多既,我join左既係mama tour 首先係出發前send email去mama tour報名,講明“姓名、tour日期、人數、酒店地點“ 到達bangkok係參加tour既前一天,打電話到mama tour 既當地電話confirm就可以喇