其實真係好難答,可能我係香港生活時都係一個悶人,以前返工時間長,一星期5日至少OT 3日,每日交通來回唔見3粒鐘。基本上每日生活就係起身、搭車、返工、OT、放工、撘車、攤位係梳化Hea、瞓覺。住係屯門連周末都少出街,最叻留係屋企攤屍,這樣的生活,試問有幾多姿多彩? 係,有時會約下朋友、會去飲酒唱K,會行商場。但千篇一律的娛樂,久而久之就唔再特別。 英國悶嗎?視乎你點諗,平日屋企Home Office係好少出街 (以前困係Office咪一樣)。星期六日反而會晨跑、郊遊、野餐、行市集、探朋友、到第二個城市逛。英國人好重視周末,基本上有很多周末活動可以參與,唔肯搵活動大叫悶,我會話抵你悶死。 的確住係北部可能係冇南下倫敦咁好多玩,當男朋友同我講Newcastle係Party City,我第一次聽到心諗你咪玩啦。但當你星期五、六晚出街,就會見到大量鬼妹重裝上陣,低胸背心短裙攞你命高踭鞋,以及一大埋醉酒喧嘩學生,就知道英國人很會找樂趣。 如果我喜歡Party,英國生活一點都不悶。 講到尾,你覺得外國生活悶,係想像到原本的生活模式被打破,就會產生「咁有乜好做」的慌張感。只要慢慢建立日常就好了。 這一刻問我英國悶唔悶,我會答我懷念的是香港的熟悉感,不是多姿多彩的生活。 上星期去左Newcastle 海岸 Whitneybay 慢步,食著雪糕、藍天白雲青草地行左2粒鐘,再食個Fish&Chips回家。就正如你平日困係公司,周末會入長洲行到夜晚食海鮮一樣,悶嗎?同啱人一齊行就唔會悶啦~ ---------------------- 怎麽一覺睡醒就在英國了 miss winter in to UK 90後半天吊旅遊網站編輯,港豬一枚跟着愛情跑到英國。 唯一牽掛的是一串串街邊細粒彈牙的咖哩魚蛋。 想到魚蛋,我又餓了。 腦袋就充滿這樣的無厘頭東西。 >>Facebook: https://www.facebook.com/misswinterinuk/