有時候講第二種語言,條脷打結加上個腦突然行56K,就會出現9唔搭8的7況。上個月去左法國朋友婚禮,行完禮親友逐個上前祝賀新郎新娘。就黎到我時,已經好鬼緊張唔知講乜好,其他人唔止講句Congratulation咁簡單,個個好似好友短聚咁傾。始終我係搭單去,同一對新人唔算太熟,仲要佢地講法文,我講廣東話,聽同講大家都水兵對水手。 終於輪到我喇! 講完恭喜之後,新娘子同我講「Good to see you!」又握晒手,又同來個法式親吻,仲要左、右、右鍚3下咁多 (法國人熱情是真的),我一時反應唔切,講左句「Thank you for coming」 .... 你tha乜nk人 for coming呀,明明人地先係主人家 當下紅都面晒,希望當時環境太嘈佢聽唔到,又或者佢太開心以為自己聽錯啦~ 此類情況經常發生,出發法國時,朋友同我講Have a nice trip,我又答左人「You too」 ... 鳴啊,我瞓醒未呀 ======================= 怎麽一覺睡醒就在英國了 miss winter in to UK 90後半天吊旅遊網站編輯,港豬一枚跟着愛情跑到英國。 唯一牽掛的是一串串街邊細粒彈牙的咖哩魚蛋。 想到魚蛋,我又餓了。 腦袋就充滿這樣的無厘頭東西。 >>Facebook: https://www.facebook.com/misswinterinuk/