食過一次,之後就念念不忘牛禪嘅好 今日同朋友食飯又再次嚟到牛禪啦! 當做前菜又有啲轉變,好開心仲有我嘅最愛鰹魚蒜頭!!! 三點前菜 - $30 三點前菜 - $30$ 30 另外仲有海蜇 同埋 蜜糖合桃燒魚仔 魚仔細細條,帶點口感,有濃濃魚味。 而合桃又係好好食!粒粒都咁香口! 日本青蘋果蟹籽沙律 - $98 起初聽到係青蘋果都有少少抗拒,但係呢度嘅青蘋果比較爽甜 一啲都唔酸! 加上蟹子同埋沙律醬~ 都好開胃~ 明太子玉子燒 - $128 玉子燒永遠令人有一種好溫暖嘅感覺~ 今次用上明太子作配搭,蛋味香濃,但係明太子嘅味道就唔係咁出 側邊仲有千島醬,點少少感味道更加好! 五品刺身 最側邊橙色既係 活赤貝 - $68 原來要前2日預訂先有架!今晚食到真係好幸運! 爽口鮮甜,超新鮮! 油甘魚刺身 - $188 帶子刺身 - $108 my favorite! 睇下粒帶子幾厚肉地!有口感,清清甜甜~ 三文魚腩刺身 - $118 魚腩脂肪會多少少,魚油更香濃。 秋刀魚 - $186 (兩食) 秋刀魚刺身,坦白講我真係第一次食咋! 平時只係食過燒秋刀魚 冇諗過佢刺身係咁好味架! 然而我最欣賞佢呢個金箔海膽秋刀魚壽司 食完嘩一聲! 我估師傅只係落左少少檸檬汁,成件事唔同晒!感覺提升左超多! 超多謝朋友預早同我地預定,我今日先咁有口福咋! 驚喜陸續有黎!我最期待既燒牛呀! 極上和牛盛宴 - $2,370 今日我地人多,叫左1.5板牛,即係每樣有6件~ 職員為我哋逐件逐件咁燒 職員話唔會好似其他公司咁張去用反嚟反去 每邊只係燒一次 確保佢嘅肉汁唔會唔會流失! 雖然枱上面有三款醬料,但係職員都係建議我哋用海鹽去點綴下稍微調味一下就夠啦! 真,海鹽最match! 配白飯食最好! 因為牛十分juicy油分多, 食D飯口感會較佳! 牛要跟次序燒黎食~ 我最喜愛最尾兩款! 牛油十分甘香~ 肉質豐腴肥美,令人一試難忘! 我地叫左支清酒 職員拎晒成盒杯出黎 嚇親我以為shooter咁飲 清酒杯 比你揀隻靚杯啫~ 易入口~推介啊! 牛禪燒肉日本料理 銅鑼灣告士打道280號世貿中心13樓1302室 ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 淘小姐 旅遊|美食|音樂 misstao.misstao@gmail.com https://www.facebook.com/miss.taobao.hk/ https://www.instagram.com/misstaobao.hk/ 返回