自從同未婚夫係台灣影完pre wedding返嚟, 佢就對禮服既款式好有要求,尤其是禮服既Cutting。 如果件禮服cutting好,就可以突顯佢更健碩, 唔會著到佢好肥。 見Esdlife既Sis有介紹過Carmine Wedding Dress既男禮唔錯, 所以就趁住同未婚夫得閒就上去試下。 呢間Carmine Wedding Dress係觀塘既工廠區,位置幾方便, 試完衫仲可以係附近Outlet行下(未婚夫喺對面開倉買咗對皮鞋)。 上到去之後就梗係第一時間試我啲晚裝同婚紗, 唔知大家會唔會都同我一樣,每一次都好期待著上婚紗晚服? 我個人特別喜好粉紅色,所以店員特別推介呢條新番嘅晚服比我, 本身見到魚尾Cutting覺得好難carry,一定唔啱我著, 但係著上身之後又幾啱我,連未婚夫都話呢條裙著上身真係靚。 跟住就試第二條,呢條係灰色deep v魚尾晚裝, 著到個人好有氣質! 最後就試多條輕婚紗,因為我去海外婚禮已經包咗當日嘅婚紗, 所以太隆重嘅白紗我都唔考慮啦~ 呢款婚紗可以有三種著法,好適合喺戶外影pre-wedding, 而且婚紗質地輕薄,好適合我帶去沖繩行禮。 睇完我嘅衫終於陪未婚夫是男禮, 果然名不虛傳!呢度嘅男禮仲多過我嘅晚裝。 男禮超級齊全,無論係格仔定係淨色款都包羅萬有。 由 S-XXL 都有齊,無論身形係點都 fit size。 classic款 classic款一共試咗兩套~ 有時唔試上身真係唔知效果,我哋本身都一致認為著classic款係最好嘅選擇, 但係著上身真係唔係幾襯佢 英倫風格 英倫風格嘅男禮當然唔少得格仔pattern, 未婚夫試左呢套深藍色格仔英倫風男禮,佢話一試愛上, 平時睇開the one男禮分享就多,原來揀禮服真係有一見鍾情! 我同未婚夫都好鍾意呢款英倫風嘅男禮, 未試之前覺得太浮誇,但係試咗先至係啱自己。 未婚夫都係中意英倫格仔風格, 無論套禮服既cutting 定係質料都無得輸丫。 試衫當日係平日既4-5點,見到都有唔少walk in客人, 好彩我地有打電話去Book,所以慳返唔少時間。 我哋試咗個幾兩個鐘最後都未決定到,但係店員都唔會畀面色我哋睇。 之前試過去尖沙咀嘅婚紗鋪試衫,店員俾人既感覺都有啲唔耐煩, 但係呢度嘅店員好nice完全唔會hard sell。 Carmine Wedding Dress N Suit 觀塘成業街19-21號成業工業大廈5/F 23室 觀塘站B出口行5分鐘 查詢電話:5598 9210 —————————————————————————————— 歡迎邀稿/合作試用/出席活動: To Connect On: ♥ Email: Missmikiiiiii@gmail.com More Reviews on: ♥Beauty Exchange/ ♥ Beauty blog/ ♥ Blogspot ♥She.com/ ♥itrial/ ♥shewin/♥Girlab ♥Cosmopolitan/♥ beautylife ♥Ublog/ ♥elle.blog/ ♥theztyle ♥weibo/ ♥Fanpiece/ ♥Weshare ♥Girls女生日常PressLogic / ♥ ESD Life/ ♥ pixnet ♥ Facebook/ ♥ Instagram