睇返對上一篇文章原來已經係2013年,三年半嘅時間話長唔長或短唔短, 可以接近讀完一個大學學位又或者升左一次職、轉咗兩次工, 又或者可以玩咗半個地球去咗唔同既地方體驗風土人情。 三年半以來,我應承自己每年都要去三次旅行,一長兩短。 去過杜拜雲南暹邏胡志明市沖繩濟州首爾釜山(講城市好似多啲;)) 就算當時嘅體驗好深刻但係已經冇想記錄落嚟嘅衝動。 我唔知道為去旅行而去旅行算唔算係成長嘅一部份(或者我知道但係唔敢去承認) 2017年我想重新出發 搵返對未知嘅地方有一顆好奇心嘅初衷 做一啲令自己難忘嘅事 因此我選擇咗一個滿足我兩個願望嘅地方 一:北極光 有睇呢個blog嘅人都知道當年我去咗芬蘭同埋冰島但係都同北極光無緣 二:俄羅斯 俄羅斯係語言不通嘅地方但係我當年去旅行就遇到好多好心人 所以對呢個國家嘅印象十分之好 而家坊間好多教人去睇北極光嘅攻略有去芬蘭有去冰島 為咗滿足兩個願望我揀咗我羅斯一個北部嘅城市 係地理位置來講佢同芬蘭嘅Inari係同一個經緯線上嘅 北過聖誕老人村少少 當地仲有巴士去芬蘭Ivalo同Rovanamei添 (咁當然閒閒地都要坐番半日啦) 喺未來嘅日子我會同大家介紹我嘅俄羅斯北極光之旅 祝我好運啦! (圖文不符)不過呢句slogan真係相當inspiring