相信各位絲打都很期待 擁有一輯完美的婚紗照,但海外婚攝閒閒地都要兩三萬起,無咩BUDGET …而又想影海外Pre-wedding既你,不況考慮下越南-峴港!!!! 當初本來沒有規劃要拍攝海外婚紗照,只是剛好遇到HKexpress 的平機票去越南峴港$98,加稅加行李不用HKD$800/人,而我搵倒一間當地的婚攝公司… 佢地影既相好靚,正正是我喜歡的STYLE!!! 最重要是…好平!!!! HKD$3000 唔洗,影足全日,包化妝SET頭,女有兩件婚妙,男有一件西裝,所有底相俾番你... ... 所以就決定係越南再影! >>>由於我之前係日本都試過直接搵當地攝影師影婚紗照(都係平同非常好的體驗,下次出POST再分享=] 以下是佢地的reference (非常有質素) 香港去越南要兩個中飛機,HKexpress 既時間都算唔差,每日有兩班航班: 去程:(09:40-10:40) or (15:15-16:55) 回程:(10:45-13:45) or (18:20-21:20) 想影婚照+玩埋峴港同會安,5日4夜岩岩好!!! 婚攝公司位於峴港市中心,搭的士去非常方便。落機第二日可以先到婚攝公司揀婚紗同俾訂金。 以下是價目表: (價錢分別於拍攝地點: 室內/巴那山/會安) 唔好俾最貴個Plan $800萬嚇倒…對番港紙只係HKD$2700,HKD$3000唔洗!!!! 價錢已經包了化妝SET頭,2婚紗+1禮服,花球飾物等,交通及所有原相… … …會執既相有60-80張,但我因為冇要到相簿,改左要多D執相。 我揀的是藍色PLAN,因為巴那山 (Ba Na Hill)係必去的,真係好靚,簡直係法國小鎮仙境一樣!!!! **留意價錢未包巴那山入場票** 當你決定好了行程…可以用電郵方式與婚攝公司聯絡,他們懂英文的!! 拍攝需預留兩日(半日試婚紗, 1全日婚攝) 試婚紗當日需先落訂,佢仲會講一講拍攝日按排。聽佢地口吻好似做開做熟咁,佢建議我地一早去左BA NA HILL 先,因為下午一定好多人。之後落山食LUNCH,然後換件自備的輕婚紗去沙灘影相。由於我有要求影日落照,所以黃昏就換第二件婚紗去海邊影,夜晚就再換件便服,係市區影摩天輪夜景。姐係Total 換左4次衫,我地由6點去到8點.....真係累到一個點~ 到時記得有咩唔明就問埋…傾好晒先落訂,例如: 個PLAN 包左一本相簿,但要自己搵方法寄番香港,我寧願佢幫得執多D相,我自己係香港印好過。 好!!!無問題,俾埋錢就可以試婚紗啦!!!! 佢地既婚紗款式好多而且好靚好新… 全程有兩個人服侍你試衫…感覺非常Pro!!!但唔知係咪越南女仔好瘦…佢地D婚紗件件都好窄 XD 可能係我太肥…好多魚尾款都著唔落…我足足試左大半日,最後我揀左件白色lowcut同黑色大拖尾 (哈哈...我上網就係見佢黑色果件好型)男士相對款式就冇咁多,同埋記得記得**男士的恤衫要自備的!!!** **留意某些婚紗款式需要加錢的,但要加都唔係好貴,同大多都唔需要加的**其實唔洗加錢的款已經好靚,件件都好多Layers 、手工做得好details 。以下係佢公司的model 相: 拍攝當日: 我地一早(天未光) 就到婚攝公司,女仔要預3小時化妝SET頭,男仔可以去嘆杯越南啡先返(=.=老公話隔離沖咖啡個越南妹好靚架咼) 成隊crew有1個攝影+1個打燈跟班+1個女仔化妝換衫。我著住件婚紗搭纜車上Ba Na Hill,唔知早去係好彩定唔好彩,雖然真係冇咩人,但山上好大霧同好凍好凍....但之後睇番D相有霧都唔差,影出黎好有feel~ 我最深刻係黃昏時影果輯,佢地帶左我地去個海邊...要行一段泥路先到的海邊...果度得條爛橋,佢一下就爬左去對面個崖邊影,影影下一個大浪打埋去...我地全部濕晒...而佢一個靚轉身,好彩保住部相機...大家都嚇左一嚇~ 而我件婚紗之後變左黑色...成件都係泥XD但佢地又冇野wor~雖然條橋有D危險...但果輯相影得好靚~好滿意!!! 有影過婚照都知....其實全日係咁影真係好累... 除左累,我已經唔記得個過程係點,最緊要影出黎D相岩心水姐。俾幾張原圖(冇執過)你地睇下^^ 我覺得HKD$3000好抵呀!!! 除左有輯婚紗相,仲係一個旅行的特別體驗^^