今時今日返大陸俾人問得最多既係"你有冇微信?" 微信既偉大....係你一app 在手,可以通訊,俾錢,轉錢,訂位,call車,買車飛,睇地圖,訂酒店,叫定野食唔洗排.....真係超級方便!!!! 但香港攪個Wechat pay 係大陸可以用嗎?--> 唔得嫁!!Wechat pay HK 係唔可以係大陸付款,一定要係大陸開戶再係微信錢包綁定銀行戶口。 香港人係大陸開戶首先要準備: 1.) 開張實名大陸電話卡 (我係羅湖一出關右邊中國聯通,同櫃位姐姐講要張一卡雙號,佢就會收你200蚊人仔幫你攪,果張係充值卡每月基本扣6蚊可以上網,打翻香港/大陸。當然如果你唔要一卡雙號有更平選擇) 2.) 回鄉證 3.) 香港身份證 4.) 香港地址證明 (中英文地址皆可) 5.) 帶定$1000人仔現金去 6.) 諗定一個中文簽名 網上爬文就會搵倒好多開戶教學,當中比較詳細可參考: http://www.loholiday.com/2017/11/24/%E3%80%90%E5%A4%9A%E5%9C%96%E8%B6%85%E5%AF%A6%E7%94%A8%E3%80%91%E9%A6%99%E6%B8%AF%E4%BA%BA%E8%BF%94%E6%B7%B1%E5%9C%B3%E9%96%8B%E9%8A%80%E8%A1%8C%E6%88%B6%E5%8F%A3%E8%B6%85%E7%B0%A1%E5%96%AE/ 適合香港人開戶既國內銀行有....中國銀行、建設銀行、工商銀行同埋農業銀行,而我揀工商銀行,因為有朋友申請過手續非常簡單,所需文件又少,又可以用手機APP 登入CHECK 結餘,小額交易仲唔收月費(每月10萬以下)。 國內銀行每一間的休店時間都唔一樣,記得事先查下* 一般香港人都會揀東門/國貿分行,但我去開田貝區睇傢具順便去開戶。由羅湖的士去大約25蚊人仔,但相比國貿分行少人好多,完全唔需要排隊,一對一服務式招呼,幫我地果個職員仲要係講廣東話既^^ 洪湖支行 深圳市羅湖區田貝四路69號愉天小區一棟116-117號商舖 營業時間:星期一至五9:00-17:00 星期六日:9:00-16:00 *查看工商地址同休店時間去呢度睇~ 入到去同職員講香港人想開戶,佢問我有冇帶稅號,其實稅號=身份證號碼,之後俾左兩份表格,一份係紅色,一份係白色...表格上的資料唔可以有修改,寫錯字要重新寫過張!!! 姓名: (要跟回鄉證寫簡體字) 聯絡電話:(大陸實名電話) 証件類別:(回鄉證) 地址:(香港中文地址) 簽名: (中文簽名) 但白色果張係需要你寫英文名/拼音同跟住址證明一樣的地址 (如果住址證明係英文就填英文, 中文就填中文) 填好就可以拎齊所需文件去櫃台開戶,開卡費係5蚊人仔,佢需要你收手機信息認證碼,所以要確保你電話收到信息,最後定一個6位數字的交易碼+個簽名就完成啦!!! 呢間分行冇要求我要放錢落去戶口,但我都係存定1000人仔唔洗煩。 加埋20分鐘唔洗....就攪掂晒!!! 我叫埋個職員幫我開個APP,即時睇番戶口結餘,又可以做轉帳。如果唔趕時間我建議叫佢幫你整埋....因為開APP佢要入第三方手機認證,加上佢一步步教你入資料...唔驚錯!! 係咪好簡單呢....??下編再同大家分享點開通微信支付=]