3折買Sealy床褥

一張好床褥非常重要!!! 係新屋未裝修之前,第一件事就捉石生去試床,床褥一定要試….唔好聽人講話硬一定好~最好仲要一齊試…兩個人訓左上去個受重唔同,感覺都會有分別…香港有好多唔同牌子床褥…. Sealy, Simmons, Serta, TEMPUR, EMMAS, Slumberland…..價錢由幾千至幾十萬都有…..(有一張23萬床褥,sales 話普京屋企都有十幾張備用…咁既價錢我呢世都唔會買…有得試就梗係試啦….但我真係唔識欣賞,訓上去唔覺得有咩特別) 其實各種床褥牌子….都不外乎彈簧結構同表層物料既分別….我地試左幾次…鎖定左Sealy 床褥….可能貪佢有handle 位同四面護邊設計~ 其實試左咁多張….咩澳洲羊毛吸汗,咩專利天然透氣表層….訓上去分別真係唔太大。

聽聞sogo 減價係入手時機….但我地張床折左要差不多20k…精打細算既我決定上網買,價錢平一半有多,只係時間要等耐d~ 其實美國買船運已經唔係新鮮事….上網已經有好多教學….加上美國人慣常網購,所有床褥資料(包括大少,硬度,物料,評價都寫得好仔細)….只要花d時間花d心思,平買sealy一d都唔難!!!!

首先,SEALY 既床係分東南亞同澳洲製造兩條LINE…. 東南亞製造既床價錢相對地平,彈簧結構都係專利PostureTech® Coil,價錢分表在於表層物料不同,通常愈多不同表層價錢就愈貴。你千奇唔好諗住記低佢個名…上網搵番一樣既買….美國同香港既型號係唔一樣架….加上香港d名係亂改架~ sogo 減價可以出張床叫thankful…婚展又可以出張床叫囍~ 你要問個sales 張床既結構分別,搵多幾張唔同價錢來試…試多幾張你就知唔同面層有咩分別….最好去多幾間分店….就算去專門店我相信d sales 都係靠吹記key point….所以要問多幾個sales集腋成求。

了解左唔同表層物料會俾咩不同感覺你,你就可以上網去揀,SEALY US 已經寫得好清楚,張床每一層分別用咩物料。我揀果張係Sealy Performance Collection有PILLOW TOP,其實你求其係GOOGLE 打個名都有大把seller ….價錢平都你唔信!!!仲要係MADE IN USA, 每一張都有詳細介紹佢既結構,硬度,就連每一層SUPPORT 幾厚都寫得好清楚。

你亦可以去www.us-mattress.com比較,一般大牌子既床褥都有得賣,左邊可以SORT SIZE,牌子,價錢,sub-brand,硬度 (數字愈大就愈軟,一般香港人大多揀3-4.5),每張床亦有YOUTUBE 介紹,要對應番係香港邊隻型號都唔難!!!

揀好你就搵代購報價,報價已包貨品價格及運費至香港!!! 船期預大約40日,由訂貨到收貨2個月內攪掂…..價錢係$7xxx 大佬呀…SEALY床+美國製造+送到你門口 ..都係$7xxx…. 足足慳左萬幾蚊….你唔係唔慳嘛??

This entry was posted in 家居 and tagged , , , , , , , , , . Bookmark the permalink.

3 Responses to 3折買Sealy床褥
  1. Ciwa says:

    可以分享下代購資料嗎?唔該哂!

  2. Wilson NG says:

    好想知道用那個代購,可以分享嗎

Comments are closed.