最近Shu uemura新推出嘅粉底好似好勁,標榜無焗限、無時限同無色限。而且有好多blogger 同KOL介紹,感覺好似好好用咁!所以我自己都好心動!琴日就去咗佢哋專門店度拎左個試用裝,而家就同大家分享一下我嘅用後感啦! 今朝大約10點鐘開始化妝,用咗佢哋嘅primer均勻膚色,然後就直接用手指上粉底。佢哋個粉底好薄同好易推開,不過就講得比較快,查咗上面之後就要快啲推開! 因為面上都唔係話好多瑕疵,我只係重點再係黑眼圈到印多幾下。個coverage都做到8-9成!非常好!而且個妝感都好自然、透薄!(我今日無用到定妝粉架) (未化妝) (上左一層粉底) (Finishing) 大約4個鐘後,個妝感開始更加貼服,因為T zone位平時都易出油,但佢控油效果幾好,所以只係會令到個妝覺得更加自然,而唔會甩妝脫妝。 同埋唔會顯紋,因為我平時就算用primer,笑得多個虎紋同眼紋都會好明顯卡粉,但呢個粉底完全無呢個問題! 去到9點返到屋企,都冇想落妝嘅感覺~但隔咗八至九個鐘,都明顯feel到個粉底有氧化嘅情況,因為會見到個面色冇出門口嘅時候咁白,而係黃左少少,不過我就接受到呢個但隔咗八至九個鐘,都明顯feel到個粉底有氧化嘅情況,因為會見到個面色冇出門口嘅時候咁白,而係黃左少少。當再補返份上面,亦會即時白返! 如果係追求長時間都keep到底妝嘅人,呢個未必會適合你,或者需要補妝同上定妝粉會Keep得好啲! 希望今次呢個意見可以幫到大家,我自己最後都有買咗!出半日街用都好好,因為我鍾意佢夠透薄同自然!大家都可以去專門店試下先買啊! 鍾意我嘅分享,可以Like我地Facebook同Follow IG啊!比個支持鼓勵我!入面會有更多唔同分享比到大家架! Facebook: https://m.facebook.com/90sMummy/ Instagram: https://www.instagram.com/minarainlo/