yahoo blog 累積瀏覽 688 大小姐今次去沙巴,估不到一個地方發展旅遊這麼多年,原來質素是這麼差的。 1 首先, 我必須在這裡, 唱衰在加雅街的一間小店 "家嫂肉菇板麵", 我們在這間小店食早餐. 只點了一碗肉菇板麵及一杯飲品. 我們兩個原先想掃街, 在每一間都點出名小食, 不要食得太飽等個肚有空間去食第2間. 小店阿伯可能見我們點咁少野, 問我們要唔要試下白雲鳳爪, 我們示意不太想點, 可能食不下. 阿伯還特登 sell 我們會做得細碟一些. 我們一下忘記問價錢, 見在加雅街食野貴極有限, 就順他意叫了一碟. 上菜時, 我們見到一碟得豉油碟咁大. 最多只有2隻鳳爪 (1隻開3邊). 魚生此時在小店望了又望都找不到價錢. 到收錢時, 你估下阿伯收我地幾多錢 ?????????? 這碟野他竟然收 RM12 (HK$30). 佢碗麵都只係 RM7 (HK$17.5) 頂...............在怡豐食一個雞煲飯都只係 RM7 (HK$17.5), 佢簡直老屈................................我們原先個肚仲有位去食第2間, 但條氣實在比佢激到頂住, 完全食不下. 你們如果會去沙巴的話, 要小心這個騙人的 "家嫂肉菇板麵" 2 我們有一晚去行了菲律賓夜市, 無啦啦俾小朋友掟石仔,頭一次仲以為有人路過不小心踢到石仔而飛中我,點知無幾耐之後又中,於是我立即回頭看,見到兩個小朋友笑住互相指責,很明顯他們有心地去掟我. 無啦啦比人掟,真係好鬼嬲。旅遊區日日都有遊客,我完全無得罪之下遇到這樣對待,感覺真的差到極。 3 去沙巴最出名之一係去睇螢火蟲. 由於車程長, 途中必定會停一下等你可以去洗手間. 點到估不到, 一個要收你錢的洗手間會邋遢到嚇死你. 去大陸旅行, 收得你錢的洗手間, 都會有人清潔一下。 在沙巴, 洗手間男女共用都不特止, 馬桶是破爛, 無得沖水, 無水洗手. 如果不是急得要死, 你都不要行近佢. 4 機場洗手間應該見得下人吧..............都是錯的. 地下又濕, 而且洗地阿姐唔會理有無人都照樣洗地, 我去緊廁所她在隔離沖水洗地, 簡直唔會理你濕腳與否............哎............真係話之你. 5 我們有幾晚入住 Nexus Resort 包自助早餐, 早上大約8:30 左右落去 lobby 下面的餐廳食. 一行入去, 明明見到幾張檯無人, 點知一行入去個小姐同我地講 all tables occupied. 我指住張無人的檯, 檯上有個牌寫住 occupied (但係明明係無人的). 她堅持叫我地去其他餐廳食. 我地很懷疑之下沒有離去. 幾秒之後有另一班外國人入去, 她就示意叫佢地行入同一間餐廳的 outdoor area 坐. 嘩..........你阿爺, 種族歧視 ????? 我地跟住唔理佢, 自己找張無人的檯坐下. 但係佢又會唔理你. 位置剛好在她站的門口位置附近. 原來她不是種族歧視, 她是精神分列的. 我們剛發生的情況不停地出現, 第1個行入去就會話無位叫人去第2間餐廳食, 幾秒之後第2個行入去就示意佢坐底. 你話佢死蠢好, 定話佢懶到出汁好呢 ???? 如果係懶, 就應該係人入去都叫佢地走, 咁就唔駛做啦 ! 但佢又唔係, 我真係唔識形容. 這個地方, 你還會去嗎 ?????