今日會坐19:40 機回港. 所以食完早餐只可以近近地入東大門新開的巨蛋入面行行. 巨蛋入面設計很特別, 全部都是白色 (但原來一張相都無影). 有時間不防入去欣賞一下. 行到1點左右, 我地決定坐6001巴士出機場. 在巴士站已經有10個8個喼在排隊, 我地仲驚上唔到車. 好彩上完車仍有一半坐位左右. 巴士上完客仲會途徑幾間酒店再上客. 不知道什麼事, 過了幾個站上完客後, 巴士停了不開車, 司機仲唔知行左去邊. 全車人只可以傻傻地等了大約15分鐘左右他才回來開車. 雖然今日係星期日唔塞車, 但出機場都用了2.5小時左右. 所以各位要預早出發. 去 airline counter check-in 之前, 聽其他 blogger 教的做法, 先去海關 counter 將退稅單給他蓋印. 其實我只有3張單要退稅. 其中2張係入左去之後才退錢的. 而另一張則是在商場已經即時退了現金給我的, 我有聽商場職員所講的, 要一起將此單都給海關蓋印. 但海關小姐只蓋了2張單. 已經退了現金的單就死都唔幫我蓋印. 我有點無奈, 因為在商場退稅時明明提醒我要給他查驗, 否則我的信用咭將會被扣錢的 (實退金額只有 30,000 won, 但用信用咭先簽擔保金額係 42727 won). 無奈地過完關, 去了退稅 counter 將已蓋印的2張單退了稅. 而餘下無蓋印的單我亦有問過在排隊人龍中穿插的工作人員, 她看完後都話不用排隊登記....................但我回到香港, 總係覺得有些不妥............哎 ~ 無辦法了, 最壞打算就係比人扣 42727 won 吧. (下次我一定揀去機場先退錢, 免得無得扣之餘仲要嘔凸比佢) 退完稅, 還有很多時間, 於是上了機場2樓搵野食. 雖然機場價錢貴了少少, 但仍算是合理價錢 (味道都算唔錯) 點擊圖片放大 今次旅程其實我地已經覺得很完美. 天公造美之下我地可以欣賞到盛開的櫻花. 天氣溫度由我地剛剛到時得2-3度 (著住羽絨仲feel到凍) 一直上升到17-18度 (爽呀). 處處唔駛點排隊就入到去玩/食....................都算滿足了. 但好戲還在後面呢............................ 話說我地來回程飛機已經揀左位坐第21行. 去程時坐中 size 飛機, 位置在機翼附近. 但回程上機時, 空姐竟然叫我地向左行..............係............係叫我地向左手面行入去....................我地無聽錯嗎 ? 那邊係.....business class..........我地很懷疑地行入去一看......................真的嗎 ? 我地坐的第21行正正就在 business class 裡.................我用了很大的克制去壓抑尖叫出來................原來我地架飛機轉了 A380. 坐位 number 係一樣, 但就無啦啦被 upgrade 左. 成個 business class 嘅人情況估計同我地一樣, 成個 business class 的氣氛簡直 high 到爆. 哈......哈..........第一次覺得坐飛機時間係咁短架................ 雖然 business class 嘅飛機餐係無分別的, 但就出奇地好味 (完全係心理作用). 今次真的大滿足了 !!