由於昨天在樂天入面 food court 食過好食, 所以今早都來這裡食早餐 日式牛骨湯飯, 但點睇都似韓式多一點 越式牛河 今天全日都會在樂天世界玩 (記得上網 download courpon, 有8折架). 仲記得十幾年前都跟團來過, 只記得一入場就沖左出去外面新開的跳樓機排隊, 由黃昏排到天黑. 連樂園入面咩樣都無時間睇. 今次來到, 就揀左當年找極都找唔到排隊位置的室內熱氣球. 排隊時間足足用了1粒鐘, 但都係值得, 因為可以在最高位置慢慢地睇晒樂園全景. 點擊圖片放大 +3 終於可以日光日白咁睇清楚你啦 跳樓機同當年的一樣, 只係今日我地已經變得細膽左, 唔再上去玩啦 這個玩意唔錯, 可以慢慢欣賞湖景 室內有3D畫, 任影唔嬲 佢唔多似天使, 表情似魔鬼多D 玩到7點左右已經很累, 最後一晚要試下正宗烤牛肉, 酒店樓下有一間很多本地人光顧的烤牛店, 而且係用炭爐的45年老店, 見佢很有風味就入去試下。 我地揀了這個set 個set份量唔多, 所以之後再加多左1份牛排肉 醒目店員馬上送上前菜. 另外用來包住烤肉的青菜都很好食的, 在牛肉未烤熟前, 我已經食左半碟 這裡係個set 嘅份量 後加的牛排肉, 我地仲加多左個清湯麵 這幾天首爾天氣回暖, 夜晚就算坐在室外都很舒服. 烤牛 + CASS 啤酒, 絕配呀 ! 食飽飽, 又係最後一晚, 於是決定去前幾日的按摩店做番個全身按摩. 40000 won (60 mins). 這間我真的覺得值得推介, 手藝真的很好, 按完全身鬆晒. 有興趣的朋友可以去試下, 但星期六, 日晚會比較多人.