之前去汝矣島因為不知道有封道安排, 所以無帶腳架. 今早再去, 希望用腳架影多一些合照. 雖然都有封路安排, 但今早時常都有旅遊巴及工程車出出入入. 所以不可以將腳架放在馬路中間去影. 今早天色灰灰暗暗, 而且輪中路的櫻花因之前幾天天氣回暖, 有一半櫻花都已經落下. 之前見到很美的粉紅色櫻花, 今天有過半數已經轉為深紅色 (花瓣落下只餘下花托). 終是我地要再行入一段路, 找一處櫻花仍是粉紅色的地方再影一下 我背後景象幾有趣, 左面櫻花已全數落下變回綠色. 右面仍然是粉紅色的 因為天色灰暗, 而且櫻花已落. 終於早一點出發去梨大. 梨大係大學生天地. 食店多, 價錢平. 我地發現在這裡 shopping 價錢最平. 比東大門仲買得開心. 因為佢地標明價錢, 用現金付款仲可以再平多 2000 won. 不似得東大門所謂批發地方, 唔買2件唔賣, 完全唔想做你生意的態度令你討厭. 食完飯, 走入梨大女子大學. 雖然不比慶熙大學靚. 但都很有特色. 建築物全是歐式建築. 處處都有各種顏色的花花草草. 地方大, 環境舒適. 點擊圖片放大 除左花, 仲有紅葉可以觀賞 這條樓梯很長很深的. 落就無問題, 上番來簡直係身體鍛鍊. 去完梨大, 就趕去仁寺洞的旅遊中心. 出發前知道仁寺洞旅遊中心有免費韓服體驗. 於是有時間就趕過去. 去到安國站不知道那一個出口比較近. 於是在地鐵站內地圖研究左一陣. 揀了其中一個出口後, 上了地面就不知道方向. 就算用 GOOGLE MAP 都係不太清楚. 諗住問下警察會清楚一些. 哈....哈......警察大哥明白我地想去仁寺洞, 但佢都係上 GOOGLE MAP 後比我地睇再講解方向. 我地現在好似無左 GOOGLE 唔得啦! 終於找到仁寺洞, 街口有詢問處, 問完之後先知道旅遊中心在5:30點左右就不再接受韓服體驗 (中心6點關門). 當時已經5:15, 我地只好博一博, 趕去看看. 我地剛好在5:30入到去, 小姐們很好地接受我地做最後一對入去影相 (大約有15 mins). 之後一分鐘到的另一對就無得影啦 ! 我地係幾好彩呢 !!!! 但現在韓服體驗係要收錢的. 3000 won x 2 = 6000 won (HK$45). 可能免費就太多人去吧. 在首爾, 處處都見到 COFFEE SHOP, 於是揀了一間有 WAFFLE 食的2樓 CAFE 坐下. 慢慢休息一下. 义完電, 我地就行下仁寺洞. 仁寺洞的步行街賣的東西無什麼特別. 全似係中國製做的所謂韓式手信 / 精品. 終是行入這個 "人人" 商場行下. 這裡商品路線比較年輕及特別. 但都係睇就開心, 買就不必. 走到頂樓, 有間餐廳很特別. 在門口裝了天使翼. 影出來都幾有趣 行完仁寺洞, 又食左下午茶. 回酒店時間稍早, 於是就去了回基站的 Goto Mall 地下街 shopping. 這個地下街真的很長, 而且衫, 褲, 鞋, 雜貨都有. 雖然價錢很平, 但品質就........比較下價. 可以用比較 cheap 去形容. 我地快速地行完, 只買得了一件衫就走人. 因為行到累, 於是都係決定先回酒店休息一下. 等夜一點再去東大門行行. 原本以為東大門咁大, 有咁多個 shopping mall. 一定有多間食肆. 點知, 行入東大門之後, 發現除了街邊檔, 就無咩食肆 (莫非全部人叫外賣???). 行到累, 又肚餓, 見到有間街邊大排檔就入左去食. (全條街得佢一間食肆). 今餐係我地在首爾食得最難食, 又最唔抵的一餐. 每一碟均一價 12000 won (HK$90) 豬肉絲炒麵 炒豬皮 炒米腸 這個係免費的海帶湯 行程 Day 1 ~ 香港 - 仁川機場 - 東大門 Day 2 ~ 汝矣島輪中路 - 鷺梁津水產市場 - 石村湖公園 Day 3 ~ 慶熙大學 - 南山塔 - 明洞 Day 4 ~ 景福宮 - 土俗村人蔘雞 - 北村韓屋村 Day 5 ~ 再去汝矣島 - 梨花女子大學 - 仁寺洞旅遊中心韓服體驗 - 回基站 Goto Mall Day 6 ~ 再去石村湖公園 - 樂天超市 - 弘大 Day 7 ~ 樂天世界 Day 8 ~ 東大門 - 香港