今日落了地鐵的地下街小店食早餐. 價錢比地面平 昨天睇完極之完美嘅輪中路櫻花, 今天就去慶熙大學賞櫻. 去慶熙大學很方便, 坐到回基站轉一架綠色 01巴士就可以. 01巴士只需坐5 mins 左右就到大學門口. 慶熙嘅櫻花應該比輪中路早開花, 所以去到有部份櫻花已落. 但都算有櫻可賞. 門口這棵有點似木棉花, 但係白色而非紅色, 花很大, 開得很靚 慶熙大學真的很靚, 靚得忘記自己在首爾, 以為自己去了歐洲 在這裡讀書, 真的是福氣. 走完這條長長斜路, 就會見到好似歐洲大教堂嘅建築 見到這座教堂, 唔講係咪唔知身在首爾呢 點擊圖片放大 賞完櫻, 我地無坐原先的 01號綠色巴士出去. 選擇步行出去大街搵食. 這裡係大學生地方, 所以食店很多, 而且價錢不貴. 路線主打年輕人, 極之容易找到想食嘅野. 我地楝了一間2樓 cafe , 食 pizza & 意粉. 味道十分好食. 點擊圖片放大 食完飯, 就去南山塔. 之前見人地寫要排長龍坐纜車, 好彩我地係星期二去, 閒日無咩人, 等15 mins 左右就上車. 上到塔人唔多. 8500 won (HK$64) (來回票價) 南山塔櫻花開得很靚, 成個山頭都係花. 原來 t-money card 內有 coupon, 上塔有 discount, 我地後來才發現. 我地買了 2人票+爆谷+汽水套餐 (22000 won = HK$165). 好似入戲院睇戲咁樣, 攞住大大杯汽水+大大杯爆谷上塔. 坐了足足2粒鐘等天黑. 這裡的櫻花花種同輪中路有點不同 在塔上望落去, 全是櫻花 情鎖公園, 你找到 "星星" 嘅道具鎖嗎 ?? 上山唔駛排隊, 落山就排了30 mins 先坐到纜車 之後太累, 只好近近地去明洞食飯. 揀了這間燉雞店. 在窗外見人地叫嘅燉雞好似豉油雞咁樣先入去食. 誰知原來係棘雞. 好彩我地叫了海鮮燉雞, 咁樣就好似多幾樣野食. 行程 Day 1 ~ 香港 - 仁川機場 - 東大門 Day 2 ~ 汝矣島輪中路 - 鷺梁津水產市場 - 石村湖公園 Day 3 ~ 慶熙大學 - 南山塔 - 明洞 Day 4 ~ 景福宮 - 土俗村人蔘雞 - 北村韓屋村 Day 5 ~ 再去汝矣島 - 梨花女子大學 - 仁寺洞旅遊中心韓服體驗 - 回基站 Goto Mall Day 6 ~ 再去石村湖公園 - 樂天超市 - 弘大 Day 7 ~ 樂天世界 Day 8 ~ 東大門 - 香港