濟州島係一個需要hea遊嘅島,沿著海邊行走,風景優美 如果急速地完成濟州島旅行嘅話,就會錯失好多美麗嘅風景 以前去旅行往往係以急速嘅方式進行,但人嘅經歷唔同左 生活嘅方式都會有所改變,就由而家開始慢活吧 今次濟州島之遊係以冇計劃嘅方式進行,即係去之前完全冇plan 有咩名勝景點係完全唔知⋯淨係知道要去o雪綠茶博物館 酒店&民宿都只係約左第一晚,之後晚晚都係之前一日先約 未免真係太hea了吧XD 由於我地去嘅日子唔係啲咩旺季,所以唔會驚預約唔到酒店/民宿 而行程就係即日/前一日先去決定,行到邊住到邊,係遊濟州島最好嘅選擇 第一日落機食過早餐之後,就出發濟州自駕之旅~gogogo! 濟州本身係一個火山島,有90%以上被玄武岩所覆盖 我地由濟州巿向成山日出峰出發, 沿住海邊走 會見到濟州獨有嘅景象,海邊四處都係岩石 自駕嘅話不妨中途停車,欣賞一下濟州島美麗嘅景色 香港好少有嘅芒草,濟州島四處都可以見到揸左一陣車,就到左第一站Morebi Coffee Factory(모래비) 係濟州島一定要去海邊咖啡店,凍冰冰嘅天氣坐係咖啡店入面 望住海邊飲返杯暖笠笠嘅咖啡,心情舒暢 濟州島其中一個景點牛島最出名嘅係花生 所以係濟州島唔同嘅食店會以花生製作出唔同嘅美食 去咖啡店嗎,更係試下花生拿鐵啦 우도땅콩 라떼 7000krw 花生拿鐵入面唔止有花生味,仲有花生粒,超好飲飲 點擊圖片放大 呢間咖啡店有室外同室內,係室外可以感受到陽光與海風 太凍嘅話,又可以入返室內慢慢品嚐咖啡 點擊圖片放大 +2 室外嘅景色優美,但室內嘅報置都唔錯㗎 黎嘆咖啡記得室外同室內都坐下,會有不同嘅感受 飲完咖啡記得去海邊行下,坐係Morebi出面嘅櫈影返張韓妹相 모래비 카페 Morebi coffee factory 地址:제주 제주시 구좌읍 해맞이해안로 462 營業時間:09:30-21:00 今次嘅介紹就到呢度,唔想錯過我最新嘅分享,就記得follow 埋我嘅ig同Facebook啦