係韓國周圍都會見到CGV戲院,但由於韓文能力始終有限,所以一次都未入過去睇戲⋯ 係上年CGV終於黎左香港啦,所以今日就去試下同香港普通戲有咩唔同啦 CGV戲院位於荔枝角D2 place two 入到商場扶手電梯上一層,就會見到呢部電梯 聽佢講搭電梯上11樓就到達CGV戲院㗎啦 售票處同小食部都係同一個位置 黎睇戲嘅人唔多,戲票價錢亦唔平 韓國人話去韓國戲院梗係要睇韓國電影⋯ 一早已經知道套戲麻麻地,但韓國電影選擇唔多,所以最後都揀左轟天暴隊,韓國人話想試下食唔食到韓國味嘅爆谷(其實韓國爆谷係咩味?好似有好多款味可以揀),所以買左mega cgv爆谷餐$66,一杯大汽水+一桶大爆谷,最後爆谷只有咸同甜二隻味揀,我地就揀左咸味,好似會冇咁「漏」咁 入場時沿途會經過孔劉館,兩邊都放左好多孔劉嘅戲照,韓國人問:點解要放孔劉?乜佢係香港好出名?⋯ 嗯⋯我都唔知點回答好⋯ 戲院唔算大,但勝在坐位非常寬躺,坐得好舒服 總括黎講,唯一優點係人唔多⋯ 地點唔算方便,四周除左D2 place one之外就冇其他地方可以行,戲嘅選擇亦唔多,可能主要都係以播放演唱會吸引粉絲們去欣賞⋯ 對韓國事物有興趣嘅朋友,可以去體驗一下 CGV Cinema 地址:荔枝角長順街15號D2 Place二期11樓 唔想錯過我最新嘅分享,就記得follow 埋我嘅ig 同facebook啦