「美容黑店踢爆組」之 miris spa黑店

美容院一向黑店黑sell迫買療程多多陷阱,真係小d定力都會比果d所謂既美容顧問sell死,正所謂天下烏鴉一樣黑,我地「美容黑店踢爆組」就係要睇下你地黑到咩程度!!!!

講返正題,又有讀者爆料話呢間miris spa話就話做按摩,其實就咩都有得做,按摩呀facial呀減肥呀總之就咩都有得做,叫我上去試下佢,我見第2日放假無無料料,就打比佢,佢地新客得一個電話號碼叫做新客專線,我見係手提都好既,因為我真係好憎果d美容中心比個死人公司電話人,喂!講真我打得比你時我放工你都放左工啦,我點搵你呀大公司!!!見成夜晚10幾11點幾打去博一博睇下有冇人聽約唔約到,聽電話果個叫做陳小姐話自己係新客預約中心同事,問佢新客按摩幾錢,流程係點做d咩都答得幾詳細,講到價錢就話新客按摩有香薰、熱石同埋淋巴全人手按摩3個都係同價168,本小姐心諗係泰國做香薰按摩就做得多,我就試下你果個咩能量熱石按摩有幾能量!!

上到去尖沙咀愛賓有4,5個人企晒係個櫃台好似唔使do甘,見到本小姐都識叫下早晨算係甘啦,填完表帶我入房果個員工好似叫做linda,話本小姐唔似真實年齡呀,又話我keep得好(心諗想tum我冇甘易囉留返d口水啦),之後叫我換3等左10分鐘到按摩師就入黎,可能幫我做既按摩師係泰國人啦,真係幾細心既,會問下我凍唔凍力度岩唔岩,熱石按摩同出面有小小唔同,佢地係先做個人手開穴,再用加熱左個熱石+精油去做推按,所以唔會話好似出面甘整到甘痛,做做下個按摩師好似醫師上身甘,問我係咪左肩整傷過,又真係比佢講中左,本小姐玩開wakeboard成日都會整到,佢都好好教埋我日常護理,就算上唔到黎做按摩自己係屋企都要按下佢,呢個值得一讚!

可能個熱石按摩真係推得太舒服攪到好似唔係幾夠甘!之後做完,一般程序佢都係會sell下你問下你做成點呀有咩感覺呀,但係呢,呢一間就有d唔同,你一早表明想試左先,佢就唔會再sell落去,好好服務態度咁叫你簽個名之後就好似貴賓甘送你走

「美容黑店踢爆組」
踢爆miris spa黑店內容 *5份滿分
miris spa黑sell指數 1
(出房都會問下我試成點 叫我買野)
miris spa黑店指數 0
(至少冇除晒我d 3迫我比卡)
miris spa服務指數 4
(扣1分因為d花荼凍凍地唔熱)
miris spa按摩指數 5
(冇得講有泰國按摩師 話晒我同鄉wor!)

認住我「美容黑店踢爆組」美美豬


Blog Sport Blog: http://maypigchu.blogspot.hk/
Weshare Blog: http://www.weshare.hk/maypig
Ulifestyle Blog: 
https://blog.ulifestyle.com.hk/blogger/maypigchu/

Email: maypigchu@gmail.com

This entry was posted in 其他, 美容療程, 護膚 and tagged , . Bookmark the permalink.