【澳門】生日澳門快閃(上)|雀仔園街市.食澳門地道早餐|文迪.漫遊.慢生活|

每年生日最開心就係收到不少優惠資訊,可以好好安排生日的慶祝活動! 生日優惠離不開購物、美食、和玩樂, 今年生日運用金光飛航生日月份大哂優惠, 就在生日月來一場輕鬆澳門之旅吧!


更多的旅遊、飲食、分享,可加入文迪.漫遊.慢生活的專頁:

FaceoookBlogspotInstagramUlifestyleOpenrice

生日澳門快閃(上)

介紹一下金光飛航生日優惠, 只要是港澳居民,在生日月份(無錯係整個月份!)便可享用標準艙來回船票,每套港幣259蚊的優惠( 原價單程平日$171,假日$160,夜航$211), 要注意在指定日期不適用(詳情見官網介紹)。 其實除咗金光飛航生日優惠外,仍有其他限時票價優惠的, 想去澳門嘅朋友可以留意以下幾個優惠:

Klook客路.澳門船票單程$139起(詳情)

永安旅遊.澳門船票來回$249起(詳情)

金光飛航網頁.網上購票85折優惠(詳情)

第一次用金光飛航生日優惠, 最初都擔心取票時有阻滯, 但可能當日係平日的關係, 取票過程非常之順利!

先去二樓的金光飛航票務處, 出示身份證就可以出票了, 同行的朋友都可以享用優惠, 仲送一本折扣優惠劵, 裏面有餐廳消費滿200葡幣減100的優惠券,和澳門船票50蚊折扣券等等,用唔用得着就見仁見智吧!順帶一提買票後要在開行前15分鐘入閘,如果想早一點過澳門玩要抓緊時間呀!

好耐冇坐金光飛航了!之前都係選坐Turbojet為多。氹仔碼頭設施完善咗好多, 過關後左邊就係一間大型的便利店,在哪兒購買一日上網卡50元, 店員換電話卡手腳俐落好方便!

今次澳門行是即日來回的, 一個食買玩閒遊行程。 一下船就到接駁巴士專區 坐「發財車」, 上葡京財神車到新葡京下車, 10:00am落船到新葡京已經係10:45am了。

今次跳過咗議事亭前地、大三巴這些熱門景點, 先去雀仔園街市食飽早餐再算!先介紹一下雀仔園街市的歷史, 街市本身在清朝光緒年間已經存在, 在1939年經歷重建後,就是如今的模樣。

雀仔園街市遠離遊客區,就是個專為附近居民服務的地道街市, 規模不大, 但無論是街市外圍,又或是周邊街道,都有很多街坊小店或小販檔,專為附近的居民、學生、打工一族服務, 所以這些食店價錢十分相宜,而且味道更貼近澳門人的口味。

想試試地道居民的便宜美食, 可以來雀仔街街市體驗一下,此處靠近荷蘭園、瘋堂斜巷,遊完雀仔園可以到此一遊。

釗記美食是必食推介!一到下午便是長長的人籠,全餐撈麵($37)餸料盛得滿滿的,祕製的撈麵辣醬很有勁道,飽肚又美味。老闆人很好,專程開一張小桌給我們堂食,因為街坊都是外賣居多。

蔡佬記同樣是必食推介!芝士豬扒菠蘿包($25)是港澳口味的Crossover?菠蘿包熱辣辣的香甜軟綿拍得往港式菠蘿包,芝士配豬扒、菠蘿包咸咸甜甜的味道衝擊,豬扒煎得香口但可惜薄身了點,但難得價錢街坊,而咸檸檬七喜($18)真的非常好喝,難怪這家在澳門有極高評價。

張姐記食坊以便宜抵食見稱,最推介桃膠蓮子百合糖水($15),西米糕也很好吃,點心方面則水準平平,勝在便宜帶點家鄉風味。

志圖粥粉是路過的居民推介的,及第粥是新鮮生滾粥,粥料多粥底又夠綿滑。

離開雀仔園街市之後, 便來到瘋堂斜巷。 呢度係文青愛聚集的地方, 美麗的葡式建築物適合打卡, 還有不少潮店、 時裝店和咖啡店, 而且不時舉辦藝術展覽, 婆仔屋更是人人必到的打卡點。

然後步行約數分鐘便來到大三巴牌坊, 平日都是從議事亭前地出發, 這次選擇逆流而下,沿途都是觀光客, 果然大三巴是只適宜默默路過的景點,於是匆匆走進橫街窄巷避過人潮……

***

生日澳門食.買.玩快閃


金光飛航至氹仔>新葡京>雀仔園街市>瘋堂斜巷>大三巴>議事庭前地>遊咖啡>最香餅家>氹仔官也街>海灣餐廳>銀河賭場>金光飛航至香港


遊記


【澳門】生日澳門快閃(上)|雀仔園街市.食澳門地道早餐|文迪.漫遊.慢生活

【澳門】生日澳門快閃(下)|澳門的新舊交融.最香餅家 vs 遊。咖啡|文迪.漫遊.慢生活


***

雀仔園街市


 


雀仔園街市.釗記美食


雀仔園街市.蔡佬記


***

更多飲食、旅遊的博文,可加入我的專頁

This entry was posted in 澳門, 特色餐廳, 香港 and tagged , , , , , , , , , , , , . Bookmark the permalink.