【速報】美酒佳餚+人氣甜品!Taste of Hong Kong 2019|文迪.漫遊.慢生活

一年一度的「Taste of Hong Kong」又開始了!

由3月21日至24日一連四天,在中環海濱活動空間舉行。

難得可以嘆美酒佳餚,等不及Happy Friday,活動首天下班後便直奔會場!

更多的旅遊、飲食、分享,可加入文迪.漫遊.慢生活的專頁:

其實之前見到「Taste of Hong Kong」的HSBC早鳥優惠已經心思思想購入,無論是單買門票或包含飲品美食的套票都平好多。而幸運收到友人邀請可免費入場,便來感受一下會場的熱鬧氣氛。

一如以往,「Taste of Hong Kong」雲集城中餐廳名店,部分更會提供會場限定菜式, 價位自然會高一點點,是高級版的美食嘉年華,特別適合Happy Friday嚟飲番杯!

入場就見到來自星加坡人氣鹹蛋零食金鴨的攤位! 是全場最當眼的位置, 加上有買金鴨送代幣夾禮品遊戲活潑, 所以攤位的人流都唔嘢少!

每包$50有四款新口味魚皮, 只要買兩包就送一個代幣, 禮品有襟章、啤酒和環保袋,比便利店買多個抽獎機會! 而且仲有免費試食。

今年有不少新餐廳是首次參與的, 而甜品方面更是大大加強,有來自韓國百味堂、Sweet Fashion House、Gelate Messina等,而美酒當然是一如以往的精彩吧!

推介Zuma 的脆辣牛油果手捲($50),食材配搭刺激又清新, 內有脆米口感Crispy, 賣相吸引不過份量就少咗啲。

場內小食定價由$20起,大部份$100以內有交易,但少部份美食價位偏高,例如Little Bao 軟殻蟹包賣$150,唔……似乎誇張咗啲喎。

本來想試百味堂期間限定的朱古力雪糕,不過俾來自澳洲的甜品Gelato品牌吸引咗,可以選三款特別造型的雪糕甜品, 又或是自選口味的Gelato。

 Dr Evil’s Mini Magic Mushroom($85), 以Gelato和白朱古力做成可愛的蘑菇甜品, 雪糕非常之綿密, 白朱古力不太甜, 配焦糖拖肥實在邪惡, 最鍾意底層的爆炸糖脆餅, 是甜魔們的最愛吧!

要在美食和美酒當中二選其一, 其實在場內享受美酒更有氣氛。

JOHNNIE WALKER Highball 體驗館是人氣之選。兩款分別是鹹檸檬Highball和Classic Smokey Highball,味道好沖激但算易入口,唔錯唔錯!在中環迷人嘅夜色包圍之下, 坐低慢慢享用美酒係我嘅心水推介!

最後留意會場有唔少打卡位,入夜之後氣氛最好,拍出來的照片最呃like!

***

Taste of Hong Kong

2019 年 3 月 21 日(星期四):晚上 6 時至 10 時

2019 年 3 月 22 日(星期五):下午 12 時 30 分至 4 時 30 分;晚上 6 時至 10 時

2019 年 3 月 23 日(星期六) :下午 12 時 30 分至 4 時 30 分;晚上 6 時至 10 時

2019 年 3 月 24 日(星期日) :下午 12 時 30 分至 5 時 30 分

地址:中環海濱活動空間


***

更多飲食、旅遊的博文,可加入我的專頁

This entry was posted in 特色餐廳, 香港 and tagged , , , , , , , , , . Bookmark the permalink.