瑞士其實真係好多美食,這間在琉森(Lucerne)嘅餐廳又是驚喜! Restaurant Ammos食現代希臘菜,位置正正喺琉森湖旁邊,所以對住湖景吹住海風,環境非常chill!食物亦好高質,比我喺希臘食過嘅希臘菜更合我胃口! Feta se Filo (CHF15.5) 希臘芝士酥皮,酥皮非常薄脆,入面係feta cheese餡,芝味十足,加上甜甜酸酸嘅醬汁,食落好開胃完全唔滯! Chtapodi Plokami (CHF23.5) 烤章魚又係好有驚喜嘅一道菜!章魚肉質軟腍,本身已經好新鮮,底下嘅mousse唔單止可以突出章魚鮮味,加咗罂粟籽仲好有地中海風味。 Mousakas (CHF31.5) 肉醬千層茄子,應該係最classic嘅希臘菜吧!點咗一客試試,一樣無令人失望,表面微微焦香,入面餡料好豐富! Poulet Souvlakia (CHF36) 雞肉串燒,本身無咩期望,因為歐洲食到嘅串燒通常都會燒到好乾身,但呢度嘅雞肉串燒好嫩滑,完全唔嚡口,秘製醬汁亦有D似沙爹醬,好惹味,同Pita Bread都好夾。我特別鍾意食D薯仔片,好脆又有薯味! Tsipoura Fileto (CFH36.5) 鯛魚柳有兩大塊,唔使太多調味已經好有魚味,我反而鍾意食墊底嘅蔬菜,好甜! 非常滿意嘅一餐!可惜香港真係唔多希臘餐廳,更遑論要好食! 走嘅時候仲有哈哈笑糖,好可愛! 喺度送多幾張風景比大家! 點擊圖片放大 --- Restaurant Ammos 地址:Pfistergasse 16 | Reusssteg 11, Lucerne 6003, Switzerland 營業時間:星期二至四 11am-10pm; 星期五至六11am- 10:30pm; 星期日11am-9pm ; 逢星期一休息 --- 我的Eurail Pass / Swiss Half Fare pass 省錢小攻略: https://bit.ly/2V4dThg 其他酒店訂房網址可以使用我的專屬網址: (Agoda) https://bit.ly/2MtRA07 (Hotels.com) https://bit.ly/2Mu4mvG (HotelsCombined 酒店比價網)https://bit.ly/2p741py (永安旅遊網)http://bit.ly/30x0UbV (洲際酒店集團(IHG) 酒店預訂)http://bit.ly/2I7KvSA --- 旅遊套票/旅遊體驗/鐵路交通票/入場門票等 (KKDAY) https://tiny.cc/mf_KKDAY (KLOOK)https://bit.ly/2IS77GW