藝術 x 火鍋料理@寬巷子

能進駐海港城的餐廳都有一定水平,而幾個月前知道台北嘅精品火鍋『寬巷子』登陸咗海港城,已經心思思想去食,呢日就趁妹妹畢業禮過後,就一家人去打邊爐慶祝!

寬巷子的相片 - 尖沙咀

寬巷子的相片 - 尖沙咀

寬巷子的大門原來是有百年歷史的台灣鹿港大戶人家的宅門,難怪古色古香,散發懷舊氣質。

寬巷子的相片 - 尖沙咀

湯底有5款選擇,全部都好吸引,鴛鴦鍋($328)可以揀兩款,啱晒鍾意樣樣試嘅我哋!

寬巷子的相片 - 尖沙咀

我哋揀咗『東方美人』『養生白鳳』,兩個都好清甜足料,美人鍋以豚骨湯做底,加入薏米、杞子、龍眼,有美白滋潤功效。

養生湯則以花膠、烏雞、桃膠燉鮮人參熬煮,人參味清香滋補,而且仲有唔少花膠,真材實料!喺放入火鍋配料時,我哋都不忘飲多幾碗!

冬甩子 ($88) 賣相可愛,以為係甜?但原來『冬甩子』係由花枝、蘿蔔、南瓜而成,入口彈牙,不過上面加咗堅果、杏果及核桃翠豆就令到口感更加豐富,入面仲有流心芝士餡料,味道有驚喜!隔離嘅小漏斗都好得意,每個代表4分鐘,俾我哋反轉去計時!

墨條牛軋 ($88) 外形同牛軋糖無異,真身以墨魚汁、花枝等製作,『果仁』部分就用雞軟骨代替,味道好鮮,而且加咗雞軟骨食落多咗口感!

菠菠糖($68) 又係另一賣相精緻之作!完全唔捨得食呀!手工豆皮蘸滿白芝麻,然後捲至結實,外層再用菠菜包裹住,打邊爐時豆皮會吸晒湯底嘅精華,食落好juicy!

玫瑰松板($298) 呢個基本上每枱必點吧!豬頸肉切成均勻厚度,然後人手慢慢砌成玫瑰花,賣相精緻,實在太靚!食之前倒入蛋白,入口更加嫩滑。豬頸肉亦好有肉味!

花團錦簇($238) 花團錦簇需要30分鐘製作時間,原來店員會將所有蔬菜放喺『盆栽』內,大大盤,一上枱已經引來不少目光,霸氣十足。

店員請我們準備食之前請佢哋準備,原來好戲在後頭!店員會逐一將菜插喺鍋中,儼如栽花一樣!冇諗過拆散後更加唔捨得食呢!

烏梅汁($88) 酸酸甜甜,生津解渴!

---

寬巷子

尖沙咀廣東道3-27號海港城海運大廈地下OT G57號舖

---

更多美食介紹可去:
Instagram  Facebook Blogspot  Ublog  BE  She  GetReadyHongKong theZtyle style-tips ESDlife

This entry was posted in 中國菜, 九龍, 家庭聚會, 情侶約會, 特色餐廳, 知己聚會. Bookmark the permalink.