2019 名古屋自由行-民宿篇

六日五夜的名古屋之旅終於完成啦!係時候打返少少分享(≧ω≦)/

由於聖誕節假期酒店每晚價錢貴之餘又冇得玩煮飯仔,所以我地一家3口book咗民宿,點知昕昕多口咁邀請長老和孻叔去旅行,佢哋3人住附近的酒店就貴一截,佢哋玩五日四夜的住宿好似係我地的兩倍(* ̄▽ ̄*)

今次住的民宿由「新榮」鐵路站步行需要大約7分鐘,在Airbnb預訂後到入住前一星期左右會收到PDF檔案都如何拎鎖匙入住,所以大家要在Airbnb 寫清楚自己的電郵和手提電話號碼,避免遺失重要資訊。

今晚我們準備上樓時遇到3位香港女生,佢地竟然入唔返Airbnb 的戶口,睇唔到入房的資訊,被迫到附近酒店小住一晚,期望可以找到民宿主人,希望佢地聽日可以入民宿住啦!

**後記,經過昕昕爸爸的Airbnb戶口跟我的民宿主人溝通後,那三位女生終於在第二天早上得到PDF FILE去信箱拎門匙

我們的房間較酒店空間多一點,我和昕昕瞓雙人床,昕昕爸爸就瞓梳化床加墊,整體睡眠質素係不錯~~~

廁所算大間,跟我本身住的家一樣,有足夠的空間擺放護膚品和煲水~~~

有沐浴露、洗髮水和護髮素供應,毛巾供應比較少,唔能夠每人每日用一條咁奢侈,我就順便拎去地下機洗~~~

房間有迷你廚房、雪櫃、電飯煲、微波爐、水煲和IH電磁爐,雪櫃旁邊係大衣櫃,衣櫃裡面有床墊和吸塵機~~~

民宿內的IH電磁爐感應唔到個煎Pan,昕昕爸爸索性在Aeon mall用500日圓買個來煎食物,早餐煎蛋都靠佢,油和鹽係在Aeon 超市買(相信下手住客以為誤民宿咁好服務)

最後一晚沒有長老,我地在民宿用電飯煲玩打邊爐,湯包約300日圓,豆腐約50日圓,菠菜約200日圓,還有豆卜、獅子狗、烏冬、拉麵和芋絲,另外買牛肉和雞肉煎,總數二千日圓有找~~~

最重要係昕昕食得滋味又開心*\(^o^)/*

民宿裡面沒有刀和剪刀,我忍不住去Daiso 買了放在民宿用(或許我對家太有要求了)

室內有冷暖氣機,原本隔塵網超多塵,我忍不住拎去用花灑沖對準廁所乾淨後沖廁(始終空氣乾淨和流通好重要)

住民宿5晚裡面有3晚我落去地下洗衫,呢4部機之中得左2呢部機係比較乾淨兼可以運作,左3部機入100日圓冇反應,洗衣液/洗衣球需要自備,每次洗衫要入1個100日圓~~~

每次洗衫前我忍不住抹一次洗衣機才放心使用,諗起上次在福岡的民宿真的設備齊全,今次的民宿設備其實算係不錯,或許是我要求太多,忍不住買了些東西放在民宿使用,相信沒有人會像我這樣瘋狂(  ̄▽ ̄)σ

我住的民宿所在的大廈有30個單位,有10個單位的信箱貼有民宿標記,附近有便利店,感覺都幾方便,以下係我住的民宿連結:

https://abnb.me/JZbW8rZPM2

以下係同一棟大廈另一個民宿的連結:

https://abnb.me/Yje2mrZEO2

生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=

我的網誌~~~

She blog (New)     She blog (Old)

我的飲食分享:


如有任何Blogger活動邀請或試用,可以聯絡我的電郵:

mandylau55@gmail.com

This entry was posted in 日本 and tagged , , , . Bookmark the permalink.