親子好去處@反轉迪士尼

上星期日我地一家三口去咗迪士尼樂園的「Disney Halloween Time」的體驗活動,雖然我地本身有迪士尼會員銀卡,但因為工作忙碌,所以平日白天冇乜時間入園,多謝迪士尼的邀請,令我地可以在假日有多d時間在樂園玩=]

南瓜主題的佈置在樂園隨處可見,好多人都影相留念~~~


而昕昕就一開始就去畫畫,呢個畫室係我最喜歡的地方,因為本身畫畫一般的我入去都可以好滿足地畫到卡通人物~~~

今次學的是萬聖節限定的惡樣版,昕昕畫到幾嚇人,雖然我遠距離影住昕昕又拍咗少少片,都慶幸用最快的速度畫好幅畫 :P

畫好畫打算看巡遊,昕昕見有位就坐,問了旁邊的媽媽才知道樂園的職員會邀請著公主裙的小朋友睇巡遊,職員唔夠牌俾昕昕,昕昕都冇所謂,在巡遊尾聲時成班公主可以在巡遊位置跟表演人員開心咁圍圈跳舞~~~

**昕昕在活動前一晚主動講明想著灰姑娘裙,作為媽媽的我真的沒有她的辦法= =”

我地跟住就去詭魅體驗館「怪誕城之旅」,迪士尼樂園的鬼屋其實大人和小朋友一齊去係OK,仲記得自己第一次去迪士尼的鬼屋已經係十一年前,當年我地3個女同學和1個男同學入去,感覺係幾恐怖,開心的是大家還是年輕,現在我們大都當了父母,沒時間約出來見面了~~~

昕昕終於第一次入鬼屋,唔知道佢會有幾驚呢?

呢間鬼屋裡面有不少位置派糖,所以小朋友好喜歡,昕昕初初入去時有D驚,到拎糖時就正常返,排隊時間係比較長,如果有fast pass基本上係可以直入~~~


離開鬼屋,我和昕昕就拍照留念~~~


下面幅相的背景雖然每年一樣,可以嘗試每年影一次,看看有甚麼改變都不錯~~~

我們去咗幻想世界—Halloween 詭趣花園拎糖果籃和糖果,昕昕拎糖真係好開心,雖然佢本身唔會食糖,但佢決定到萬聖節時帶返學校跟同學分享=]

我地仲趁有優惠價用$99買咗CookieAnn公仔,仲要遇上會員買滿$400有雙倍印花的優惠,搞到我地買咗唔少野返屋企:P

喜歡灰姑娘的昕昕遇到樂園的灰姑娘就追住去,可惜影相已截龍,唯有咁樣影相留念~~~

當日我地更巧遇有人在樂園內求婚,突然諗起昕昕細姨的閨蜜都在迪士尼樂園被求婚,昕昕細姨在數個月前已經被求婚,到來年年尾昕昕就會有一個細姨丈=]

依家迪士尼樂園的城堡開始見到靚又高的外貌~~~

跟2011年比較感覺係兩個不同的風格,希望新城堡快D起好,等大家可以影更多的靚相=]

有d可惜係miss咗萬聖節主題的巡遊,原來在1600開始,下次真係要細心研究節目時間表,依家唯有睇返朋友的Facebook照片補償吓>.<

樂園內有萬聖主題的佈置,好多人都去影相~~~

我們巧遇泡動的小遊戲,玩完可以得到貼紙一份~~~

我們欣賞在1800那場的「惡人舞動迪士尼」,一開頭有魔術表演外,更有不同的歌舞表演~~~

來自不同的迪士尼卡通惡人聚首一堂唱歌,仲可以睇到空中吊環表演,感覺呢半個鐘的表演好精彩~~~

由於昕昕晚上要早d瞓覺,加上我冇細心留意部份活動時間,所以冇等埋其他晚上的節目就返元朗晚餐,每年迪士尼萬聖節的卡通人物我獨愛係阿Jack,因為佢真係好型仔~~~

想了解更多有關反轉迪士尼的資訊可以瀏覽以下連結

https://www.hongkongdisneyland.com/z…/disney-halloween-time/

生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=

我的網誌~~~

She blog (New)     She blog (Old)

我的飲食分享:


如有任何Blogger活動邀請或試用,可以聯絡我的電郵:

This entry was posted in 主題樂園, 好去處, 消閒. Bookmark the permalink.