西式婚宴@The Continental

上星期六昕昕爸爸表姐的女兒結婚,當天分了午宴和遊艇証婚,感覺都幾勞碌,昕昕爸爸的姨媽早婚,昕昕爸爸的大表姐跟昕昕婆婆同年,所以我們在昕昕爸爸那邊的輩份比較高,反而在婆婆那邊的輩份比較低,昕昕婆婆的堂弟的兒子(即是我的疏堂表弟)在2010出世,就算我在印尼的親表妹都只是大昕昕三、四年,有時我都擔心昕昕會感覺混淆~~~

當日婚宴位於金鐘太古廣場的The Continental,好在問商場職員後懂得到場,我和昕昕搭西鐵到尖東轉車,不用一小時就到,呢度的環境是不錯,我們一眾親友在室內用膳,而兄弟姊妹團就在室外用膳~~~

每個人的座位有牌寫上賓客的稱呼~~~

小朋友有填色套裝和兒童餐具在場使用~~~

呢度本身有兒童餐,不過昕昕爸爸事前不知道,所以安排大人餐俾佢食~~~

呢個就係大人餐的餐牌~~~

在開餐前我和昕昕就吃了兩、三個餐包,外硬內軟,牛油易推又好食~~~

在婚宴中間的時間我就被敬茶,原來昕昕呢位疏堂表姐只是細我9年,俾昕昕細姨細一年,諗起出年年尾昕昕細姨結婚時我就好期待,昕昕細姨的閨蜜笑說曾經在網上找婚宴地點blog時剛好找到我的分享……

油甘魚薄片,由於經過處理,魚生的味冇曬,上面的wasabi用叉飛走都仲有DD剩,如果俾我選擇當然是普通的油甘魚刺身加醬油已經好好食:P

長老見到就冇乜興趣,呢D係我呢D後生先至喜歡食:P

菠菜苗車瓜沙拉,個人不太好呢款沙拉,如果是牛角的麻味沙律,昕昕一定會爭住食:P

香草烤格陵蘭大比目魚&脆皮蝦,個人就覺得如果係大食一定唔夠食,肉質不錯,味道幾淡口~~~

烤加拿大豬里脊,配上甜的紫薯蓉,食落感覺豬里脊鬆軟得來有啖啖的豬味,我總算OK啦!如果是男士應該想叫多少少野食~~~

焦糖蛋布丁& TC提拉米蘇,由於緊接的時間我要搭車又搭船,所以我不敢吃下去,怕自己會暈浪@.@

The Continental的環境優美,我們年青一代影相呃like係唔錯,但如果是舉行婚宴就未必完全適合比較傳統的長老,所以昕昕細姨已經心儀了酒店中式婚宴,至少令昕昕外公滿意:P

昕昕的疏堂表姐真的瘦又美,估唔到佢都咁有力抱起有20KG重的昕昕~~~

在這裡影相一定要低炒,否則照片出來感覺不夠靚~~~

生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=

我的網誌~~~

She blog (New)     She blog (Old)

我的飲食分享:


如有任何Blogger活動邀請或試用,可以聯絡我的電郵:

mandylau55@gmail.com

This entry was posted in 家庭聚會, 香港. Bookmark the permalink.