北九州自由行2019—交通篇

連續兩年拋下昕昕和爸爸,自己和親友去旅行,因為昕昕要返學,昕昕爸爸在學校工作,和他們去旅行機票、住宿貴之外,去好多景點都好多人,今次的北九州的五日四放之旅在小朋友剛開學的日子去,在好多地方不用迫,感覺真的好舒服~~~


舊年和昕昕細姨去大阪旅行寫咗以下的交通節儉攻略,今年我都寫返一篇,希望可以幫到想去九州旅遊的網友~~~


再窮也要去旅行@大阪自由行2018—交通篇


在2月中我和舊同事即興訂hkexpress的平機票,4個人去,我地4個人夾埋60 KG寄艙行李人均千六蚊左右,我們搭車慳D就係為咗在當地shopping和飲食用,始終日本交通費唔平>.<

今次旅行有兩位年長的朋友,多謝佢地搵咗寶貝幫手在網上買JR PASS和網上訂來回由布院的指定席,而我就主要做資料搜集,剩下那位朋友因為第一次去日本,所以佢只係睇我的計劃行事= =”

第一至二日的旅程我們就用了福岡地鐵二日劵,兩日任搭福岡市內的地鐵,在機場用720日圓(每人)在櫃檯購買,設計有兩款,當日我地一行四人買派了兩款,但7月初果陣買兩張只有一款>.<

**記得在機場買,因為機場搭地鐵去博多站要260日圓

***昕昕7月果次去職員表示她不用買(即是她可以在日本搭車不用付款)

以下是福岡地鐵二日劵的官方網頁:

https://subway.city.fukuoka.lg.jp/cha_trad/fare/two/

雖然有福岡悠遊卡一日,但我就冇買到,以下是相關官方網頁:

https://yokanavi.com/zh-tw/tourist-city-pass/

Day 2當日我們有行Outlet和Aeon,個人建議最好在地鐵室見站(Muromi)落車博乘9號巴士去到,之前我試過由姪繽行去Outlet都用了半小時多(要開Google map的GPS先至去到),去Aeon可以搭9號、30號巴士,巴士短程每人需付170日買車資~~~

**開Google地圖睇的巴士時間都頗準,頂多正負兩分鐘偏差,去旅行記得有需要時開來睇

第三至五日的旅程我們就用了北九州 JR PASS 3日券,8500日圓,在網上購買大約600港元,大家最好在網上格好價才買,用信用卡購買者必須帶購買車票那張卡到博多JR站的服務處找返JR PASS的真身和預訂指定席~~~

我們一去到博多就即刻人分兩路,一邊努力寫訂位紙,另一邊就排隊準備交訂位紙兼持JR PASS的真身,記得一定要帶護照和網上購票用的信用卡!

排隊時間真的幾漫長,頭尾最少廿分鐘……

我填的就係呢份表,由布院果程因為網上預訂,所以我只是寫熊本和小倉來回的指定席,在訂位後JR PASS會蓋4個已訂指定席的印仔~~~

在Day 3我們就去一日熊本~~~

由於去熊本係搭新幹線,所以我們去新幹線果邊搵月台搭車,只要對準自己張車票,要找正確的位置候車係so easy~~~

呢架新幹線就係我們去熊本搭果架~~~

我地一到熊本就買咗當地的市電車一日券,買咗之後要在日子果度刮先至生效,500日圓一張,電車本身每程170日圓,搭夠3程或以上已經回曬本,以下是熊本城市不同的一日券的官方連結:

http://www.kotsu-kumamoto.jp/kihon/pub/Detail.aspx?c_id=8&id=12

原來當地在9月14日全部交通免費,可惜我們已經回到香港~~~

熊本的電車有26個站,往健軍町方向任何車都可以上,但回程返熊本JR站時要小心,因為電車有分A、B線,返熊本JR站係A線,萬一上錯B線的車而miss咗回程的新幹線就好唔抵架啦!

在Day 4我們就去由布院,身邊好多朋友話由布院的車經常好爆,所以我們早在8月中就網上預定座位,通常好多人會去果度浸溫泉過夜,我們只是到當地閒逛而已,原來來回車程都四小時多,如果怕悶又唔想浸溫泉就可以放棄去呢個地方~~~

在日本的JR站會列明邊個月台上車,只要用心看係不需要擔心,我們Day 4和 Day 5都係呢度入去搵月台上車~~~

由布院之森列車在裡面可以拎牌影相,小朋友更可以著制服影相,親子去都不錯的~~~

在Day 5因為趕在1815的飛機,但又唔想浪費張JR Pass,所以我安排咗往小倉4小時快閃遊~~~

我們就在地下出口行去小倉城和附近的商店,小倉地方唔算大,行咗覺得如果再有機會去可以行多幾個鐘,因為我們冇行到當地的旦過市場>.<

以下是北九州 JR PASS官方網頁:

http://www.jrkyushu.co.jp/chinese/railpass/railpass.html


生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=

我的網誌~~~

She blog (New)     She blog (Old)

我的飲食分享:


如有任何Blogger活動邀請或試用,可以聯絡我的電郵:

mandylau55@gmail.com

This entry was posted in 日本 and tagged , , , , , , , , , , , . Bookmark the permalink.