尋找六、七十年代情懷@西環616牛肉火鍋專門店

之前我帶了好友到懷舊扒房晚餐,所以今次佢帶我到附近的616牛肉火鍋專門店,一入到去已經被裡面的裝潢吸引咗我的視線~~~
來到忍不住要拍照打卡留念~~~
人數多可以在懷舊店舖擺設的廂房用餐,感覺別有一番味道(士多的零食是擺設,不是賣的)~~~
仲記得返鄉下時用過上面果行同款的熱水壺~~~
拎豉油配料的位置都咁有特色,真係估唔到~~~
我和好友就坐在靠邊的座位,看到懷舊擺設,感覺好似在歷史博物館咁興奮~~~
每次去616牛肉火鍋專門店我都會叫牛滑,因為我想試吓慢慢削肉成丸的感覺~~~
怕辣的我每次都會叫牛骨湯底,趁滾好而又未放食物之前飲返碗,感覺好好飲,最重要係有牛骨連肉在煲內,可以食埋牛骨的肉:P
呢間牛肉火鍋專門店在食材方面都有心思,平時我們打邊爐頂多只是叫肥牛,但呢度可以食牛的不同部位,而且餐紙有詳細說明,如果有唔明,餐館職員更會講解~~~
我個人較喜歡食圖上的匙柄,因為較少肥膏,夠晒啖啖肉~~~

 

望住不同的牛片,係咪好想食呢?

 

呢間牛肉火鍋專門店的門口有街頭遊戲和漫畫方便等位的客人享用,我和好友在晚餐後忍不住打機,玩泡泡龍加美少女戰士用了差不多一小時@@”

 

平均每人二百一十元埋單,跟平時去任食的打邊爐店價錢差不多,但好玩的樂趣係無價的:P
打邊爐冇話好唔好食,因為主要靠食客自己的手勢,不過好飲的湯底就好緊要,呢間牛肉火鍋專門店的湯底算是真材實料,值得再光顧(個人認為每次試不同分店,因為每間店的裝潢各有特別)

以下是我們的FACEBOOK專頁連結,裡面會有一些昕昕的生活照片和不同資訊分享^^ 

生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=
 
 
我的網誌~~~
我的飲食分享:
 

 如有任何Blogger活動邀請或試用,可以聯絡我的電郵:

This entry was posted in 其他, 香港. Bookmark the permalink.