風生水起轉風車@黃大仙中心商場

今日下午帶咗昕昕去黃大仙中心商場欣賞風車陣,順便參與領展舉行的生態導賞活動,導賞活動內容比較詳盡,所以要另外開篇blog分享(^_-)

今年黃大仙中心商場特別以16,888個獨立風車打造咗一個6.8米高嘅風車陣,挑戰「最大規模風車展示」嘅健力士世界紀錄。

我們除了在風車外圍拍照外,更可以走進風車陣內拍照,但要注意係雖然除鞋入內~~~

 

大家在風車陣內可以拍攝從高處拍攝的照片,呢種效果都幾特別,但要記住大家需要用QR code掃描及儲存照片~~~
我們更參與幸運風車工作坊親手製作屬於自己幸運風車。當朋友在facebook問我是否需要消費才可參與時,看看商場展板才發現呢個活動本身已經完了~~~

 

不過為食的我見到龍鬚糖就一支箭衝過去,原來只要上載剛才在風車陣拍攝的照片到社交媒體並 #黃大仙中心 就可以得到兩粒中國傳統小食的龍鬚糖*^O^*

 

以下係商場的宣傳展板,不過最吸引我係消費滿$1200可以參與的幸福許願瓶工作坊,可以用保鮮花製作靚靚的許願瓶,做家居裝飾真係好靚\(^o^)/
以下係有關推廣的禮品實物,比較特別係姻緣錦囊,只要在黃大仙祠與月老合照後到黃大仙中心商場就可以獲得,呢個姻緣錦囊係經黃大仙道長祝福淨灑的,至於能否保你姻緣都係睇自己啦Y(^_^)Y
呢個推廣做到3月4日,大家要留意呀!
其實我已經有四年冇去過黃大仙中心商場,今日發現原來呢度有唔少食肆,上次去應該係因為做統計處的外勤工作,諗起當年做咗兩個月全職外勤真係好有挑戰性,但礙於當年昕昕仲細,昕昕嫲嫲唔肯幫手全時間湊昕昕,我只好重回全職媽媽的生活,直到昕昕長大才重回職場~~~
以下是我們的FACEBOOK專頁連結,裡面會有一些昕昕的生活照片和不同資訊分享^^ 
生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=
 
 
我的網誌~~~
我的飲食分享:
 
如有任何Blogger活動邀請或試用,可以聯絡我的電郵:
This entry was posted in 其他, 親子. Bookmark the permalink.