BB 要訓得好~唔一定要抱~ 只要四圍既環境溫度舒服, 佢都可以訓得好舒服架~以下有幾招~ A. 包被~包虫虫 因 為BB o係媽媽既肚入面都係包得緊緊既~所以包住佢~佢就有安全感d~ 而且唔會因為自己d 手腳陏來陏去而嚇親~(傻瓜~自己嚇親自己), 佢有時會掙扎想要出黎咁架~但唔代表佢唔想包~有D 媽媽話~BB都唔鍾意被野包住咁辛苦~兩下就比佢整鬆哂啦~咁好可能係未掌握包BB既技巧 啦~(得罪得罪^^”)~ 如果我係BB 我不知幾想捐返入去媽媽個肚度~又暖又包緊緊~就算有時陏下手腳都唔會散開架~ 大家可以上Youtube 好易會搵到包BB 教學~大家都可以買到蝴蝶型包被~有魔術貼既~一定包到實一實~ B. 按撫奶咀 因為BB 係媽媽個肚入面不斷有D胎水比佢嗒嗒下~所以比個按撫奶咀佢~就會有安全感D~BB 有時喊~唔係肚餓~係想搵野嗒~如果你唔比假奶咀佢~就要比真乳頭佢架啦~咁就好難訓練到佢自己訓覺~ 有D人話食奶咀~D 牙會生得唔靚~我覺得都係天生架姐~我家4姐妹都食奶咀~未又係咁靚~ C. 溫度 BB怕熱多過怕凍~所以訓覺既時候~盡量控制到佢腳仔暖暖又唔會出汗~就最舒服啦~~包完包被其實已經好暖啦~我冬天都係再蓋一張薄毛毛被o係佢下半身~夏天就一定要開冷氣訓覺啦~我每朝都會檢查佢有冇出汗~跟住再調節下~ 初生bb 訓覺出汗~好易有皮膚問題~所以唔好聽d 老人家講著幾多衫~要親手摸下佢有冇出汗~ Ella 差不多2個多月, 就轉左用睡袋~好方便呀~又唔驚輔被~ D. 睡眠音樂 Ella 都有一隻音樂按撫海馬, 播音樂比BB 訓交~都work 架~ 到而家4個幾月啦~開左海馬就即係要訓覺啦~ 當然唔一定要買音樂按撫海馬, 可以上YOUTUBE 播sleeping music, 效果差唔多~又或者媽媽哼唱歌仔都ok ga~要細聲慢慢歌~ E. 聚重米袋 好多老人家都係整一個比bb 架~真係work ga~原理就好似你搵隻手放o係BB 心口仔~佢都係有安全感D~ 我就造左個長條形既米袋~冇咁易跌~就係相入面果個格仔布袋~大概有2.5嘜米, 都重重地架~太輕冇用架~ F. 優質尿片 好多BB 戒唔到夜奶就係因為條片頂唔到咁多個鐘~BB要喊換片啦~首先條片要優質~著得BB舒舒服服~Ella 要Pampus金裝啦~第二~保持BB有個健康既PAT PAT~ 如果BB係一日有幾次大便~我就覺得未有尿布疹~都用尿布疹膏啦~