我個BB ~Ella~差不多滿月就穩定咁戒左夜奶啦~而未到4個月大就已經可以一口氣訓到10個鐘~ 好多人都讚ella 好厲害~ 爸爸媽媽都好舒服~所以我打一篇文章~分享一下我既做法~不過老老實實~個個bb 都唔同~所以並冇話我既方法一定work~但都係我做完一連串資料搜集綜合出黎~覺得適合ella 既方法~ A. 時間 - 作息定時 日間作息定時係戒夜奶既首要條件, 咁佢先可以調校到自己既生理時鐘, 令夜晚訓覺時, 消化系統都減慢消化速度, 令bb遲d 先肚餓~ Ella 由出生開始已經係4個鐘頭食一次奶, 一日食6餐, 日頭既時候就好準時~夠鐘就夠佢, 未夠鍾就唔會餵~係呀~佢有時會早左喊架~抱下佢攬下佢搖下佢~睇下安唔安撫到la~當然如果真係喊到好慘~我哽係會心軟比佢食啦~(聽到佢喊咁耐~我到好心痛架) 資料就教要將一日24小時分成日間模式及夜間模式~ 日間模式 : 9:00 am – 9:00pm (12 小時) – 準時食, 食完, 玩一陣, 訓覺 夜間:: 9:00 pm – 9:00 am (12小時)- - 喊醒先食, 食完即刻放佢去訓 不過我都係盡量啦~~但最重要係要知道日間同夜間模式既分別~簡單來說日間準時食~夜間唔喊醒唔好比佢食~差不多一星期, ella 零晨果餐就會變左5個鐘先喊食~ 跟住6個鐘先喊食~天光啦~ 咁係算係戒左夜奶啦~ 有D 媽媽驚BB 食唔夠~就夜晚叫BB 起身食奶~但就忽略左睡眠對bb 都係好重要~睡眠對爸爸媽媽都好重要啦~!! 基本上除左早產B, 如果BB 夠3 kg, 就唔洗零晨叫佢起身食奶~ B. 食奶份量 因為我係泵奶出黎比bb 食~仲係補奶粉~所以比較易控制份量~(對唔住, 如果親餵全母乳, 我就冇經驗啦~不過原理應該一樣) 初生bb 會經歷一次猛長期, ella 由day 3 食20 ml~day 9 就已經食120ml 啦~所以要好留意佢既需要, 少10ml 佢都會早左嗌肚餓~咁亦都係第一個月好難戒到夜奶既原因~慢慢來~放輕鬆~你慢慢就會掌握到佢要食幾多先會飽~幾耐就會喊肚餓~ C. 睡眠setting~ BB 要訓得好~唔一定要抱~只要四圍既環境溫度舒服, 佢都可以訓得好舒服架~以下有幾招~我會o係下一個post, 詳細d 講~ 包被~包虫虫 按撫奶咀 溫度 睡眠音樂 聚重米袋 優質尿片 D. 態度 BB 應該係可以連續訓12小時~小學生就要連續訓10小時, 大人都最好連續訓8小時~ 以這個邏輯~BB 戒夜奶成好正常既事~所以爸爸媽媽都應該努力做到輔助BB 做到一覺訓天光~ 因為我身邊有好多朋友既BB 好遲先戒夜奶, 甚至到1歲2歲都未戒夜奶~其實佢既睡眠質素冇咁好, 好醒訓, 或者過份倚賴大人幫佢入睡~所以訓訓下醒左~唔識自己再訓返~ BB 開頭未戒夜奶~ 佢都應該好似日頭咁夠鍾就肚餓~咁我就會如常起身換片餵奶~但係就會盡量唔講野~好似夢遊咁~食完就放返佢入床仔~開海馬~要佢再訓覺~一開始佢未習慣會喊~我就會扮訓覺比佢喊一陣(5-10min), 跟住抱下佢按撫下, 又放低佢~又喊一陣~又抱一陣~如是這~3個cycles 後佢就會訓著la~如果唔訓佢一定係有心願未了~咁可能係頭先食唔飽(頭號原因), 可能鼻塞唔舒服~大原則係唔好抱住佢訓到霖哂啦~因為如果佢扎醒左發現個環境唔好左~又會驚慌la~ 有d 資料教由得佢喊到累自己訓著, 唔可以因為驚佢喊而唔訓練佢。我恨下心腸試過一次, 佢真係可以喊成個鐘~真係好心痛~好內疚~所以我唔會比佢喊咁耐啦~會再餵佢~幫佢通鼻塞~睇下有冇濕片…開頭都好辛苦 又唔知咁做岩唔岩~ 但係個個新手爸媽都係咁架啦~ 總結: 以上係我既做法, 但未必完全適合每個BB 架~而且進度人人都唔同~最緊要順其自然~BB 會慢慢自己調校到最岩自己既作息時間~