市面上經常見到泡泡洗手液, 泡泡潔面乳~仲要比正常梘液貴好多~大家睇完我依篇分享~就會知道~街賣既泡泡野真係好唔抵~!!!! 因為每支泡泡都係稀釋左既梘液~所以係比多左$$買少左梘液~ 其實只要將普通洗手液, 以1:4 既份量, 1份洗手液 + 4份水 既比例開稀再倒返入個泡泡梘液瓶入面~咁就尤如有一支新既泡泡洗手液~E 個方法同一個樽我用左3年幾啦~ 好處就多啦~ 1. 慳$$ ~以後只要廿幾蚊買1支泡泡梘液~再以廿幾蚊買普通梘液孖裝~已經夠我地2人家庭用2-3年~因為每一支皂液乘左4倍份量~ 2. 呵護雙手~ 因為洗手液份量多左4倍~一來就放心買D 貴貴貴梘液慢慢用, 二來只算買左CHEAP 野, 因為開稀左, 所以一D 都唔傷手~ 3. 洗得又快又乾淨~唧出黎已經係泡~增強潔淨力~而且份量恰當好處, 一過水就爽~ 4. 環保~ 亦係最最重要既一點~少D 化學野流入大海~對個海洋都好D~ 重用泡泡梘液瓶方法 1. 首先預備: 用完既泡泡梘液樽, 水(最好是冷開水), 喜愛既梘液~ 2. 將1份梘液倒入個樽, 再加4份水, 蓋埋, 再撈埋水同梘液~咁就攪掂~! 長用幾年的秘技~~ 話哂我用左同一個樽3年幾~ 哽係有D秘技~先可以KEEP 到佢既功能~關鍵就係~入面果個Nozzle 位唔可以入水~即係中間儲空氣果個杯仔呀~用得耐會有水入左去架~跟住佢會按落去唔識彈返上黎~咁就要好似我咁倒轉個PUMP 按幾下~D 水就會唧返出黎~! P.S. 唔好試圖拆開佢~!! 佢裡需有粒超細粒玻璃珠~一拆就跌出黎唔見架啦~! 進階用法~ 有D 清潔液~因為安全而冇用到化學劑~ 所以D 清潔液係水水咁~一唧出黎流走哂~又難D 起泡~好似我用緊既野菜洗奶樽清潔液~同埋手工洗頭水~ 出動左泡泡梘液樽之後~一唧就係泡~易洗好多呀~所有皂液都停O係要洗果件野度~而唔係流走哂~