平時出街食青口多數都係用白酒、啤酒或者忌廉煮,唔飲開酒既無啦啦買一支都幾煩,忌廉又肥仔,不如攞居家必備紹興酒煮,又幾好食喎! [2人份] 材料 青口 1磅* 蒜頭切碎 3瓣 紹興酒 適量 糖 1茶匙 荷蘭芹切碎 2-3棵 做法 1. (如果用新鮮青口)洗青口,抆走外露鬚鬚(捉住鬚鬚向圓頂方向抆),待用 2. 深鍋落油,中火爆香蒜頭,加入青口炒勻 3. 落糖、紹興酒(水位到青口份量既1/3),冚蓋中火煮滾至青口開口 4. 加入荷蘭芹炒勻上碟食得 *青口可以係凍肉舖或超市買急凍熟青口,煮到熱晒就ok; 新鮮青口可以係街市同高級超市搵到。另,青口有好多種,有大隻綠色青口(通常平d)、細隻藍青口(通常貴d);夏天食澳洲紐西蘭貨,冬天食歐美貨;豐儉由人 更多好煮意: https://www.facebook.com/malucfooddiary