放工返到去仲有大把家務等住你做,又未食飯,好容易就會衝左去買外賣或者食頹飯。想食得似返個人,不如試整呢個燒魚,充滿蒜香又有檸檬既清新,而且3步就成仙,又唔洗睇火,趁機做晒家務沖個靚涼,舒舒服服咁食返餐飯啦! 材料 (2人份) 魚,洗淨抹乾 1條^ (約30厘米長) 檸檬,切片 1個 調味 蒜頭,切碎 3瓣 橄欖油 30毫升 糖 1茶匙 鹽 1湯匙 乾荷蘭芹 1茶匙 (可略) 做法 1. 預熱焗爐至180度。用2層錫紙鋪係焗盤面,將魚放係焗盤到。將所有調味料攪勻,搽係魚到,要內外都搽勻。 2. 檸檬片鋪係底,魚肚同面。 3. 放入焗爐中層焗約40分鐘至全熟,食得!* ^魚可以揀D比較實肉同油份多D,例如烏頭、倉魚、鯧魚等等 *要知條魚係咪熟晒既話,用叉扒開魚皮同肉,輕鬆扒就即係熟晒;如果係黐住就要再焗多陣啦 #大熱天時仲要開爐煮不了 #焗爐識用其實好好用 #multitasking勁過千手觀音 Follow me on Facebook: https://www.facebook.com/malucfooddiary/