車媽媽外家人多所以一到大時大節約食飯好多時會較早食,像今年中秋節便早在3/9一家到泰特色泰國餐廳吃中秋節晚飯。 去到餐廳全場爆滿,須然訂了檯,但也等了10分鐘才可入座! 見到呢個{泰超值歡聚套餐},好抵食喎十一道菜只須$1888足12位用,當然不假思索就點佢啦! 套餐可以配泰式飲品一律有半價優惠,另外喜歡飲酒就有泰象啤$10一支細支裝,但我喜歡飲椰青$38,須冇半價但椰青都幾大個,味道清甜,十分解渴。 套餐內有三款湯可選,有{冬蔭功蝦湯},椰{汁雞湯}和{紫菜海鮮湯},當中三選二我哋揀咗頭兩款,冬蔭功蝦湯,酸辣味道未夠平衡得好,喝下去感覺好一般! 出奇地呢個{椰汁雞湯}竟然香口好味非常,帶濃厚嘅椰汁香氣 ,洗完牙嘅車爸爸這晚就是靠它他飽肚了 !! 呢個{泰式鳳爪}另外散叫的,不過我冇試過! {沙爹串燒}有雞,豬各六串,試了串豬肉,肉質都可以接受,但係燒得唔夠香囉!而沙爹醬亦略偏甜,Sorry唔係我杯茶啊~ {泰特色小食大拼盤},用上三層架上枱賣相都幾特別,坦白講嗰日見到車爸爸牙咁痛我都冇乜胃口食嘢,所以呢個拼盤我都冇試過! {泰地道燒海虎蝦},呢個燒得幾香口,而且肉質亦都札實,雖然熟度有少少over,但我都絕對收貨。 {泰式明爐烏頭魚},烏頭魚都算新鮮,不過魚味唔算太濃,而泰式湯亦都做得不俗,呢個都ok啦! 而大肉蟹有兩種煮法可選,可以{辣椒膏炒大肉蟹},或者好似我哋咁選擇{泰式秘製咖哩大肉蟹},隨碟附上6件{香油酥餅},坦白講呢個我肯定做得好食過佢,可幸嘅係大肉蟹好新鮮,而且份量足有兩隻咁多,抵食係唔在講的。 {泰特色無骨海南雞},全雞上枱賣相充滿光澤睇見都想食,可惜食落未如想像般嫩滑,雞味亦都唔算太特出,只能說不吃也吧!! 呢個炒椰菜苗可以選泰式,馬拉盞,飛天或者鹹魚去炒選擇可多呢!最後我哋揀咗{馬拉盞炒椰菜苗},鑊氣超足呢,個係全晚最好味嘅菜式。 最後有{家鄉蝦頭油炒飯},呢個飯我哋打包走咗,因為實在太多嘢食,亦都小咗車爸爸呢個好幫口嘛! 而呢個{馳名大蝦炒金邊粉}味道確係不錯的,而且炒得夠乾身,大蝦亦都爽口,我將它剪碎了給爸爸食用。 錦繡精美甜品拼盤,有六款糕點,試了椰汁西米糕,水準正常。 這夜食物須不是最美味,最美當然係一家人能開心團聚,各位中秋節快樂*^O^*