羅家飯

體重管理進行中的車媽媽早午餐多數吃生果沙律,戒掉每天最愛的可樂(老公飲時仍會偷兩啖),晚上有飯局也照去,盡量忍口吃少一點,加上適量的運動到今天一個月已減掉10磅!但仍然肥美不堪須繼續努力堅持下去!

 

但羅家飯總不能虧待辛勞工作的車爸爸吧!蒸隻比較瘦的清遠雞去了皮我也可以吃嘛!

第一次選清遠雞來蒸出來色澤不夠黃油雞靚,但肉質彈牙很夠雞香而且沒肥膏很不俗!

旺菜加片薑炒熟後下點炸蒜惹味點,這碟當然成了我的主要食糧!! 

另一頓弄了蒜頭豆豉蒸排骨和蘿蔔魚鬆,沒可樂飲不打緊飲Sparkling Water我也喜歡!  

蒜頭豆豉蒸排骨始終用腩排最好吃,肥瘦均勻有軟骨肉質彈牙,不過肥少少我吃兩粒就好了!

魚鬆要煎香才好吃,我買的現成貨質素也不錯,起碼有彈性亦不腥調味恰好,蘿蔔是我倆的至愛所以很快便清碟!

初一的自家製蘿蔔糕便成為我們新春期間的晚餐! 

煲一煲果皮白粥煎點蘿蔔糕便一餐,撞鬼真係自作孽今年的蘿蔔糕鬼咁正忍得我好苦啊! 

又係新年頹餐雪藏嘢雞翼係必須品啦,就弄了香煎蜜糖雞翼和瑤柱旺菜! 

 香煎蜜糖雞翼真心誘惑放肆一夜吧!

吃多點瑤柱旺菜平衡番感覺好受些哈哈哈!

每樣吃點點加兩口白飯,再吃點飯後果也不至肚餓,水果有泰國菠蘿仔、蜜柑和枇杷芒,最正當然是菠蘿仔啦!

到上星期返外家都唔少餸,炆冬菇豬手鴨腳、鮑魚扒豆苗、清蒸沙巴龍躉,車婆婆認真靠害哈哈哈……..  

炆冬菇豬手鴨腳內的冬菇又厚身仲滑溜夠香超級好味道! 

這條清蒸沙巴龍躉就麻麻哋有點腥!! 

鮑魚扒豆苗好有賀年菜Feel,這款罐頭鮑味道唔錯不過較韌,吃多點豆苗才是我的上策!

This entry was posted in 家常小菜 and tagged . Bookmark the permalink.