一條腸粉

你條粉腸多數都是用來鬧人!不過現在很多店名也以諧音或者俗語而改成,像這天我跟車爸爸到這間一條腸粉午餐,正是令人容易記得的店名!

 

店家主要賣的都是潮式腸粉和汕尾小吃,再加一點原創的撈飯,款式不算十分多選擇,但起碼不是周街找得到的食品!很喜歡他們用環保菜牌落單,現在集團式經營也比不上小店的有心!

車爸爸點上支裝阿薩姆原味奶茶原價$16跟餐價$12,車爸爸說味道跟茶餐廳的凍奶茶有得揮呢!只是甜度較高都算飲得過!而我還是乖乖的喝清水好了!

食物方面我一眼就看見有最喜歡吃的小米餃當然要點上一份,另外潮式腸粉都係我主要目標,我倆商量過後選擇了豬潤腸粉,另外加多份邪惡的豬油渣撈飯,好明顯車爸爸係想陷害我!

先上枱有海豐小米餃$28一客有小8粒,吃下外皮比較厚重內餡亦不夠豐盈,而且大地魚的味道亦不夠濃郁,我覺得還有不少進步空間呢!

跟住來的是招牌腸粉$20 ,已包有生菜、芽菜和蔥花,可以不同價錢自選配料我們就加了$6配豬潤,腸粉吃下也算滑溜不過米香亦不算太突出,豬膶做得挺爽口係偶爾有一兩帶有苦澀味,整體吃下也算不俗!

最後還有邪惡的豬油渣撈飯$30,我當然只敢吃一口就全數交給車爸爸啦!不過又真係幾好味喎!豬油渣不似一般的炸至脆卜卜,只有外面脆但內裏還帶軟熟,最過癮嘅係入邊唔會有油膩,加上香口嘅蔥花和豉油真係好易把持唔住啊!可幸我的減肥心意夠堅定否則必定淪陷!

附送的紫菜蛋花湯沒甚味道,但起碼不會有沙叫有得濕濕口吧!! 

順帶一題這間店舖營業時間十分之長,由朝早八時到凌晨五時,真係早、午、下午茶、晚餐和宵夜都可以吃得到!都係佢一大賣點之一呢!

This entry was posted in 中國菜, 九龍 and tagged , , . Bookmark the permalink.