本來文章應該早就可發表,但因中間發生一些插曲,今日終於有時間把文章完成 英國失業率很高,找工作並不容易,不少歐洲的年青人都來倫敦搵工。 就在我來倫敦的第3天參加meet up 的english conservation class, 來的都是意大利、法國的年青人。我問他們: 你們來做什麼? 學英文!!因為英文好先會有好工作! 8-O 這就是事實, 香港教育都算是不錯,至於我學都是英式英文。 先講一講自己工作背景: 我大學畢業,係香港做開Marketing, 當然香港marketing 的工作其實說真的是打雜一名。不過我個人組織能力比較高,做事實事求事,中意諗野同計劃,所以我做marketing 都算是有d 資歷吧。而我工作態度比較認真,所以我會花較多時間去準備CV 及Interview 。我堅信一個道理: 你所追求的,只要在你的能力範圍內,努力必能成功。 我一早打算自己無咩可能搵番同類型工作,所以我未出發前已老作左幾份cv 以防不時之需。 所以,如果你打算到倫敦工作,請你準備你想搵工類型的CV。 例如: 你想搵Retail Sales, 甘就寫份有做過sales 既工作。 我一共準備了: Retail Sales, Customer Service, Marketing 及waitress 的CV。 點解要準備甘多? 其一係呢度真係好現實,無工作經驗基本上唔會請你。 一間coffee shop 會問你識唔識沖coffee? 識唔識 table setting? 如果你答唔識, 佢地會講: sorry, I need someone who is experienced. DAY 1 搵工: Retail Sales 搵工門路就係 Oxford Street 同 Bond Street, 呢兩條街有好多fashion brand, 不過唔係間間都接受你drop CV, 有好多都係叫你上網send。 Retail Sales 主要睇你有無經驗,番工時間,有無holiday plan等等。 我係N年前曾經做過MUJI Short Term Shop Assistant, 甘岩Oxford Street 都有, 就衝左入去問請唔請人。幸運地, 好快地安排我下星期interview。 MUJI Manager 係香港女仔, 佢都同我講呢邊請好多香港人。當然啦, interview 係以英文為主。Interview 不難,都係問下你過往工作經驗、點解中意muji、係你眼中excellent customer service 同 good excellent customer service 的分別。之後就等消息啦,當時我都覺得自己答得不錯。(後補: MUJI 俾OFFER 我, GBP6.85 per hour, maximum working hours:38,所以我reject了。) 第二步就係上網send CV, 英國主要用以下招聘網站: www.totaljobs.com www.reed.co.uk www.drapersjobs.com www.gumtree.com 記得先登記,把你既CV upload 上去,之後就睇岩post 就send 出去。 呢邊靠Agent 搵工係好普遍,我試過upload後就收到email 話上去見agent interview。 Agent Interview 有咩好處呢? 我個人認為人工會比較高同埋有人跟自己搵工既case都不錯。 記得記得你每次見工要帶Visa Passport,Bank account 同埋已申請既National Insurance Number。 Day 2: Agent Interview~我再次遇見香港interviewer, 我個刻都好開心因為覺得自己都算幸運。 Interview 同平時沒什麼分別,佢就同我講有job match 會再通知我。 Day 3: 好啦~如果你覺得retail sales 同agent 搵工都太慢,我建議係網上打Chinese, 你會發現會出現一堆Mandarin/Cantonese/English Speaking的工作。簡單來說幫華人公司打工。 那天早上,收到一個來電是關於Heathrow 機場的Quene Host。上網再睇一睇,Travelex正在招聘大量Quene Host。 Day 4: Travelex Interview: 分Group Interview 及 One to One Interview 共需2小時 Group Interview 真係好似大學番緊學甘, 分3組問你對Travelex 的認識, 你覺得Good Service 及Bad Service 的分別。討論完,每組出黎Present 一次。簡單來說: 你舉手出去講多d 野就可加分了。 One to One Interview 就好簡單, 反而最煩係機場工係一定要出示良民證及過往5年工作的referee。香港的良民證係需要英國移民局出示先可批發,所以就算有offer, 要番呢份工都難過登天。(後補: 收到Travelax 的offer, 但好可惜佢連NI No 都唔肯等我....) Day 8: 再次收到interview 的電話,今次係見Sales and Marketing。這是一間提供食材的公司,主要是接客人的訂單及銷後服務。第一次見面,HR 好nice,可能是marketing interview,只把自己過往做過的經驗再講一次就可以。HR 叫我明天上來Training 之後再second in 就會知道結果。真想不到我可以在倫敦找到自己有經驗的工作。但事情是沒有那麼簡單, second in director 問: 其實你想不想在這裡發展,我可以幫你轉做tier 2 working visa。因為她擔心tier 5 的工作時數是有限制,如可申請tier 2, 待5年就可以拿到居留權。 當時的我真係諗唔到甘遠,只可說如果有呢個機會,當然都可以一試。 Day9 & 10: 其實每天都會有interview, 但要注意的是大部分都係Call centre (主要能講能聽普通話、廣東話及英文)。唯一唔好既係呢d 工要番Night shift, Maximum 40小時,計番條數其實一個月都唔係搵得好多。最大問題對我來說通宵更,如果真係無哂選擇都可以一試。 Day 12: 收到正式sales and Marketing 的offer 啦! 下星期正式Training。 倫敦比較較多工作機會,但要注意的是沒有經驗是很難找到工作。當然如果你不介意做餐館,這裡都有很多選擇。我曾問過一份是日本餐館,試工第一天沒有薪金,第二天開始有,但當你一個月內要離職,薪金只付你一半。天啊! 我覺得她是一個很無良的僱主。 我相信世上沒有免費午餐, 在香港我有我的安樂窩, 但我依然決心出去闖! 我開始英國工作。倫敦跟香港都是一樣, 學歷、工作經驗是最看重。不想成為淘汰的你,請花點時間心機去實現你想要的東西吧。