話說上次聖誕係台北住過一晚hostel, 其實hostel 係for backpacker 一個唔錯既選擇。 但係我就覺得每次去廁所/外出都要鎖自己既私人物品,真係不太方便。加上我自己好易俾人嘈醒,係我計劃去whv 既首個居住點就一定要訓得好。 搵地方落腳真係要花好多功夫,要睇下間屋近唔近地鐵站,附近會唔會有超市/餐廳,住英國最緊要睇自己住邊個zone。不同zone 既交通費都有不同。 想搵hostel 既就一定要去 www.hostelworld.com,但我發現hostel weekend 價格貴好多, 去whv 最緊要就係開源節流,所以我就決定唔租hostel。 之後,有好多旅遊書推介airbnb, 我就開始係呢個網站度search。 Airbnb 係俾屋主登廣告招租,入住日期好flexible,可以住一日至幾個月。 屋主會放相片、簡介上去airbnb, 如果再想睇過往租客既comment, 都可以一目了然。 揀好左個地方,可以主動email聯絡屋主,屋主大多一至兩天就會回覆。 唯一唔好既就係,airbnb 會收10%service charge同埋清潔費,而我就私底下同屋主傾好,先租一天,之後日子就俾cash。(幫我節省左5百幾蚊)^^ 付款形式都好方便(visa/paypal),大家記住如果你要退款,10%service charge 係退唔到除非屋主主動cancel。 付款完之後就會收到email, email 度會寫明間屋既地址及屋主聯絡電話,可否煮食,有咩設施可供應等。 另一方面,大家搵屋時要睇清楚係shareroom 定private, 今次我呢個屋主是中國女生,佢講到明係會同佢共住。 共住當然都好怕會有好多問題,例如自由度、私隱度、屋主可信度。我個人認為出門一定要提高警覺,但因英國的租金實在太恐怖,以我多次與屋主交談(叫佢介紹下自己、做咩職業、點解放租等),我就決定同佢共住。(港幣2百蚊一晚真係好抵,好過十幾日逼同一間房) 用左差唔多兩天時間,就決定左落腳點。個人來說,去whv 最緊要就係安全。(女生去whv 真係要相當小心。) 另外要準備既就係旅遊保險啦~好多人都會買working holiday 保險,我都有仔細去了解下。 由於自己本身有買開醫療、危疾、住院及人壽保險,而保單其實會保你出國60天內,即係我頭2個月其實係有保障。 而英國打工要申請NI, 當你係英國工作超過半年,你係可以免費去睇醫生(藥錢另計)。所以,我決定節省荷包,省下4千大洋。 當然,搭飛機個日就買旅遊保,起碼一到步如果行李唔見/俾人偷都有得Claim。 以上是我個人的看法。如果你覺得真係好有需要,4千大洋其實買個保障都合理。 倒數出發23天,心情開始緊張了。