自製黑豆漿

自從生完bb之後,我就甩左好多頭髮 ,
因此更注重健康。 首先從個人飲食著手。

過往我的母親大人很喜歡自製豆漿給我們一家飲。現在到我身為母親,係時候要嘗試動手了。

書中所閱,黑豆被賦予「豆中之王」的美稱。具有美容養顏,補腎,明目、烏髮,使皮膚白嫩的功效。

還可以有效的防止便秘等病症。而且營養價值更遠超黃豆!

所以今次就分享下我自製黑豆漿過程啦!

第一步:首先提早一晚將黑豆浸過夜, 等佢發大

第二步:我個人做法, 會用1碗黑豆 2碗水既份量倒入攪拌機。

第三步:攪大概1~2分鐘, 停一停, 讓攪拌機休息1分鐘, 再攪1~2分鐘, 好讓黑豆攪拌得更徹底。

第四步:倒入隔渣袋 讓豆漿揸出

第五步:就可以大火煲滾

*注意必須留意火候, 否則好容易煲瀉!!!

最後整完的豆漿渣不要浪費哦~
因為可以做面部及身體磨沙作用!!!!
現時市面既化學磨沙產品因砂粒太細 污水處理廠都未能將微膠珠隔走而直接流入海洋 令海洋生物誤食 嚴重破壞海洋生態!因此用豆漿渣磨砂可以幫到自己外, 既有利於生態, 又可以同時教育到小朋友環保, 真係個一舉幾得既方法!
而且每次做完都又白又滑,真係不能低估佢地既功效!

 

自製豆漿安全衛生又健康,
自己飲之餘 仲可以比埋小朋友一齊飲
吸收豐富營養!

飲左一段時間,頭髮果真改善好多,令我更有動力持之以恆。

This entry was posted in 個人, 健康, 家居, 環保, 知識. Bookmark the permalink.