大熱天時約齊班靚媽去邊?咁齊人梗係去滾啦!夏天最爽就係開行冷氣打邊爐,簡直係人生一大樂事! 今次同 #全職BB聯盟 一班朋友去咗銅鑼灣呢間 「#老鍋台式火鍋」,品嚐由台灣紅到黎香港嘅 #變靚美顏鍋!啱晒我哋呢班貪靚嘅媽媽啦! 充滿台式嘅裝修,一出就被佢哋嘅天燈吸引着。好浪漫呀!而且仲有一部天燈許願機。可以揀唔同款嘅天燈,自己為天燈提字!仲可以揀埋位置喺邊度放天燈。真係好似去咗十份咁呀!勁呃like打卡位!冇得去旅行嘅我,放左天燈當去左啦! 我哋order左兩個最抵食嘅二人餐, 一次過滿足晒所有嘅願望!四個唔同款嘅湯底都試晒!大滿足 美人鍋:靚媽爭住食嘅美人鍋。湯底好足料,有滋陰嘅烏雞,充滿膠原蛋白嘅桃膠、貴價南棗、杞子圓肉等材料。食完都覺得自己即時靚左(心情靚左)。清潤養顏。連隻烏雞都好入味,雷小囡自私地食晒...一邊問我點解隻雞黑色,一邊又話好好味呀!佢都真係幾識補 養生鍋:濃郁嘅藥材味。入口甘甜唔會苦!湯底有大大條人蔘、老雞同肉排。淨係飲個湯都覺得好正。淥野之前已經比我地飲左一大半,最讚係佢哋加湯唔係加水,夠足料! 麻辣鍋:又係我嘅最愛,呢度嘅麻辣鍋香氣十足,夠麻又唔嗆喉,唔係死辣果隻。湯底跟埋鴨血同凍豆腐,吸晒啲麻辣味,真係令人忍唔到口! 酸菜白肉鍋:酸度剛剛好,唔會酸到牙軟。好開胃,而且湯底仲配埋水晶薯粉,好吸味真係絕配。 二人餐配料款式夠多,啱晒我呢啲選擇困難症嘅人,唔使諗就有晒最好嘅配料。海鮮真係好新鮮,大大隻桂花蚌,鮮味十足! 推介每日新鮮手打嘅自製肉丸肉質鮮味,爽口彈牙。鵝肝墨魚丸,鵝肝嘅油香配上爽彈鮮味嘅墨魚丸。口感一流。咸蛋黃豬肉丸,彈牙又夠咸香。真係好特別好好食! 套餐當然仲有肥牛、水餃、雲吞同雜菜等配料分量十足。 仲有重點推介,台灣都好難買到嘅菜!《 #水蓮》 之前睇電視都有介紹過,呢款菜非常珍貴而且營養價值十足。連台灣人都未必咁容易食到。估唔到呢度有得食,只需要淥十幾秒,入口脆卜卜又冇渣,雷小囡都食唔停口!香港我都第一次見到有!嚟到一定要試!(另外點) 我哋仲叫左幾款台灣特色小食,臭豆腐、響鈴、蝦滑....真係太滿足喇! 題外話:果日我本身燥熱生左眼瘡,第二日又要去拍片,好驚情況惡化,所以唔敢食太多。但真係太正實在忍唔到口!店員推介超下火嘅《杞子杭菊露》,用珍貴嘅胎菊煲成,咁我就豁出去狂食! 奇蹟出現啦!第二日冇嚴重到,仲好返好多添!哈哈,多謝推介 老鍋台式火鍋 https://www.facebook.com/Laoguohotpot/ 地址電話: 銅鑼灣駱克道491-499號京都廣場2 / F全層 :+852 2818 6678/51154762 銅鑼灣軒尼詩道525號澳門逸園中心3樓 +852 2566 1561/51154762 (Whatsapp) https://www.facebook.com/Laoguohotpot/ #台式火鍋 #麻辣鍋 #養生鍋 #美人鍋 #酸菜鍋 #手切本地肥牛 #海鮮 #台式風味 #天燈 #天燈許願 #放天燈