大阪影和服,唔想同人迫,少人靚景揀呢度

老少平安遊大阪-Day2 行程編是日推介:宇治和服攝影


大部份女仔去日本都一定想着和服影靚相。我哋當然唔例外啦!我本身都好怕人多擠迫嘅地方,去旅行我都會避開鬧市避開人群。但係講到着和服,大家通常都會揀心清水寺附近,因為嗰邊好多租和服嘅鋪頭,亦都有一啲比較懷舊嘅老街,影相確實係唔錯。

本來妹妹都揀清水寺附近租和服,因為我哋係自駕游,搵位泊車亦都係一個必須考慮嘅事情。但因為嗰邊泊車唔方便,而且可以影相嘅地方太多人。所以最後我揀咗去宇治。因為我睇過地圖,附近有好多舊式老街。而且又有橋,仲有平等院…


我哋預先喺香港上網訂左租和服。我哋揀呢一間價錢唔貴,而且款式都算多。最重要係近景點,因為着住和服想行遠啲都唔方便,而且我哋仲有老人家又有小朋友。所以地點係一個好重要嘅考慮因素!

我哋換好和服之後,就喺樓下嘅一個景點 《源氏物語》作者紫式部石像 影左張大合照!


之後就轉入《平等院表参道》

https://goo.gl/maps/3hnVZhoHyrD2

邊行邊吃邊照相。

街道兩旁全部都係懷舊特色小店,最出名就係宇治抹茶。有好多特色嘅雪糕店,小食店,同手信店啦!

  

係呢條街影相都唔錯架。重點係冇乜人!

成條街邊度影都好靚㗎!



之後就去《平等院》喇!

入場費請參考:https://www.byodoin.or.jp/ch2/

裏面有好大嘅佛寺,亦都有好多舊式嘅建築,園林景、湖景、寺廟,大鐘….樣樣有齊。又係點影都靚!

 

 

回程時再沿路欣賞埋《橘橋》

地圖:https://goo.gl/maps/KBdwTFRovAA2

影埋橋景同對岸房屋。真係好靚。襯晒套和服啦!

慢慢行返去還和服,時間剛好!

 

大家都行到好攰,直接返酒店check-in 後,再喺酒店附近隨便食少少野就算喇!早啲返酒店浸浴,充定電瞓醒去滑雪!
是晚酒店:

瓦速酒店 – 京都五條卡姆帕拿

(Vessel Hotel Campana Kyoto Gojo)

 

This entry was posted in 日本, 自駕遊, 觀光 and tagged , , , , , , , . Bookmark the permalink.