在心齋橋行街行到飢腸轆轆之際,先驚覺未食飯。尼個時間,梗係甜品當正餐啦~朋友吾知係邊度聽到有一間好好味既 Pancake 店,好似係附近。之後,拋鳩部手機比我,當係我人肉GPS,追踪佢口中如海市蜃樓一樣飄渺 Pancake 店。吾知係我腦殘定個GPS傻左,本來要短短2分鐘的路程,結果我地花左成30分鐘兜兜轉轉,先到位於巷子裹 Pancake 店。 講真一開始,我對尼間野並吾係抱好大祈期,以為係食裝修,食物水準應該普普通通。因為尼間野少女味好重,咩都係粉紅色,部電視不斷 Loop 住 Alice In The Wonderland ,仲有兩三群日本少女不斷鳩拍並喪叫Kawaii。 個時,心覺不妙,以為今餐實中伏啦!是鳩旦點左鹹同水果 Pancake 試下。點知一放入口,意外地好食。無諗過 Pancake 配蛋、吞拿魚、煙肉、牛油果會咁 Match。如果再混埋明太子沾醬食,我只能講一句:此美食只應天上有,人間能得幾回聞。尼個鹹 Pancake 係店既皇牌,真心堅好食~ 識食一定要食鹹Pancake~ \\ パンケーキ専門店 HOKUHOKU 地址:大阪市中央区西心斎橋1-10-33 KITASUMIYAビル 1F 營業時間:10:00~21:00 休息日:全年無休 Google Map:https://goo.gl/maps/1L8wk \\ Follow Facebook 有更多旅行資訊: http://www.facebook.com/luftmensch.hk/ Contact Me: luftmensch.hk@gmail.com