好多人對於箍牙都有好大疑問,未箍牙之前嘅我都係一樣,所以我不斷上網做research,去咗幾間牙科診所咨詢牙醫意見,最後搵咗位於荃灣嘅牙科診所去開始做呢件事。其實除咗價錢之外,我最注重係牙醫嘅信譽,咁我先放心可以交棚牙俾佢架 ❣ 我想由一開始講起,當時我預約咗免費箍牙咨詢,去到診所,一入去嘅感覺係好舒服,好光猛 ,同我想像中嘅牙科診所好唔同,診所設計以白色為主。完成登記之後,護士就好清楚咁同我講解今日嘅流程~首先要照X光片﹑之後影口內同口外相﹑做咗個3D口腔掃描,個口腔素描掃掃下就可以掃到我嘅牙模,勁得意~ 我仲以為係要印牙模架~ 成個過程都好快,大約15分鐘已經可以~ 護士佢好清晰咁同我介紹咗傳統鋼箍牙同隱適美嘅分別﹑好處同壞處,之後落嚟就係醫生嘅臨床檢查 。周醫生好細心同好詳細地同我解釋牙齒狀況﹑療程需要大概時間﹑價錢等,等我好清楚成個療程先開始。當然,我最後係揀咗隱適美牙箍啦! 大約3個星期就有得返診所睇箍牙電腦分析,個分析可以睇到箍牙前後嘅模擬動畫,知道我需要用嘅牙箍數目,加嘅attachment 等等。之後等多2星期就開始箍啦! 我用咗39副牙箍,唔洗脫牙,就已經箍齊啦,比我想像中快同舒服!只係用咗1年3個月時間就已經達到我想要嘅效果,真係好開心當初我嘅選擇係無悔。我都好多謝周醫生同佢嘅團隊幫手,所以我想將好嘅嘢分享俾大家!如果你哋有興趣箍可以搵我做介紹人去免費咨詢~ ^^ ~ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ 隱適美電腦分析效果 (藍色代表箍之前個位~ 白色代表箍之後個位) ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ ❀ 圖1 : 未箍前 圖2 : 第39副牙箍準備做微調 圖3 : 箍完 ↟ 進度相 我問過醫生,究竟箍牙係咪一定要先剝牙? 佢話:唔一定,因為有一種方法叫做磨牙罅,只要喺牙與牙之間磨少少, 就有位置可以排齊牙齒,而且磨牙蓬係有個限度,唔會傷及牙齒本身琺瑯質嘅健康 。 每個人嘅情況唔同啦,所以有啲人係要剝牙,有啲人就唔洗剝牙就可以排齊牙齒 牙箍每日要戴幾耐? 隱適美建議每日戴22個鐘 一日有24個鐘,即是話每日只有2個鐘可以除下牙箍,一開始我聽到嘅時候都好震驚 食餐飯最快都要半個鐘啦,一日三餐,即係每餐都要食得好快⋯有無可能戴到22個鐘? 但原來箍箍下又無乜特別,每次食嘢之前除落嚟,食完就用牙線清潔牙罅之間嘅嘢同漱漱口, 就可以戴番。早晚刷牙都係,除落嚟用牙膏刷下佢又可以戴番,其實真係算方便 我平均每日戴到21個鐘。 岩岩開始嘅時候影 Updated. 好多人問我關於箍牙嘅嘢,包括牙醫資料﹑價錢同時間等,喺我本身未開始箍牙之前,我有上網research咗好多關於箍牙嘅資料,亦相當明白大家嘅諗法。 首先,我最concern係牙醫手勢同信譽(當然每個人最concern嘅嘢都唔同),我揀嘅牙醫有豐富嘅箍牙經驗,佢唔係專科,但有隱適美黑鑽石榮譽。 第二我會考慮嘅係,診所嘅地理位置好方便,位置荃灣港鐵站上蓋商場。因為牙醫會Stay喺同一個診所,所以我唔需要周圍走。 第三係價錢,我都明白箍牙價錢都因人而異,第一次見完牙醫就已經知道自己箍牙大概嘅價錢,等我有個預算,講真佢比起其他診所唔係最平,但佢包嘅都好多,所以呢一點都係吸引我揀佢嘅原因。 診所設備好新,我照嘅X光片都係喺診照,好方便。 <!--more--