話咁快悠悠B已經半歲大, 又係時候返健康院拎成績表啦~~ 今次除左拎成績表之外, 梗係又有獎勵啦….就係拮3下大脾囉…諗起都好肉痛… 等我先報告一下悠悠B嘅成績先~ 悠悠B比起2個月前足足重左1KG~而家有7.12kg了(約16lbs)~~ 身高2個月前係58cm, 今個月大約62.5cm~頭圍今次姑娘冇度了~ 之後又等嗌名見姑娘, 姑娘又係簡單了解下悠悠B嘅食野情況, 開始食固體未啦~問完簡單資料, 姑娘話悠悠B嘅體型係中上嘅BB~話好好呀~ 之後姑娘再考考悠悠B, 拎住個玩具搖下搖下, 睇下悠悠B會唔會搵D聲O係邊, 之後再試下俾悠悠B自己坐, 同埋扶住俾佢企~全部PASS~~姑娘一路講野悠悠B一路眼金金望實, 姑娘就話, 悠悠B好留心WO~~眼仔正常冇鬥雞好靚~ 最後約埋一歲O個個期, 之後就等打針啦~~好緊張! 今次打3針…就係 白喉、破傷風、無細胞型百日咳及滅活小兒麻痺混合疲苗(第三次)(簡稱4合一) 肺炎球菌疫苗(第三次) 乙型肝炎疫苗(第三次) 其實以上呢3針, 係可以去私家打一支6合一代替架, 不過聽聞好缺貨。所以如果就黎夠半歲, 又唔想BB挨3針唔慳呢D錢嘅話, 就可以早少少打去私家到BOOK定囉~我就…慳錢~同埋, 少少皮肉之苦, 要俾BB感受下嘅。 咁悠悠B都好叻叻, 爸爸抱住上刑場, 我O係後面打氣同摸摸頭仔安撫, 第一針打完, 悠悠B完全冇反應~係眼仔凸一凸, 到第二、三針一齊喊左出黎, 但係幾就收晒啦~~ 比我想像中叻~悠悠B有晒我真傳~似乎唔怕打針咁UN皮咁話喇WO~~ 為左獎勵悠悠B咁叻同埋半歲大~我忍忍忍唔住啦~~去左放血…買左一堆媽媽至愛嘅麵包超人玩具俾佢玩~~~ 湊B日記 - 4個月健康院檢查&輪狀口服 [ 4個月大] BB成長日記 - 健康院打針 & 輪狀病毒疫苗 [ 2個月大] BB成長日記 - 3rd 健康院檢查 [ 1個月大] BB成長日記 - 2nd 健康院檢查 [ 1個月大] BB成長日記 - 1st 健康院檢查 [ 1個月大] 我的Facebook專頁: 80's Mami